ERTEŃIMIZGE QAMQOR ENRC

Jaqynda osy kom­pa­nııa­nyń otyz mened­jerine Almatydaǵy “Rixos” qonaq úıinde M.V.Lo­mo­no­sov atyndaǵy Máskeý mem­le­kettik ýnıversıtetiniń Joǵary bıznes mektebiniń dıplomdary salta­natty jaǵdaıda tabys etildi. Bular –  “Master of Bu­si­ness Administration” baǵdarla­ma­sy boıynsha reseılik mamandar daıarlaǵan basqarmashylardyń Qazaqstandaǵy ekinshi túlekteri. Baǵdarlamanyń ózi ENRC kásip­oryndary úshin arnaıy oılasty­ry­lyp jasalǵan, ıaǵnı ENRC bas­qarmashylaryn oqytýdyń orta­lyqtandyrylǵan korporatıvtik baǵdarlamasynyń quramdas bóligi bolyp tabylady. Ol 2006 jyl­dan beri iske asyrylyp keledi. Qazaq­standa sońǵy bes jylda jú­zege asqan “Úzdik HR joba” konkýr­synda bas júldeni jeńip alǵan. Ekijyldyq syrttaı oqy­ta­tyn modýldik júıe osyzaman­dyq,  keń suranysqa ıe ádisterge negiz­del­gen. Bulardyń ishinde dástúrge en­gen jattyǵýlardy, garvardtyq keıs-tásildi, iskerlik oıyndaryn, toptyq jobalardy atap ótýge bo­lady. Bul stýdent­ter­ge oqý úderisi kezinde-aq ón­di­ris pen basqarýdyń is júzindegi mindetterin sheshýge kirisýine sırek múmkindik beredi. Árbir modýl eki aptaǵa sozylyp otyr­dy. Aıtar­lyqtaı derbes túr­de, tıimdi túzilgen pánder jıyn­tyǵy stýdentter boıynda osy­ za­man­dyq menedjment týraly júıe­li de aýqymdy túsinik qalyp­tas­tyrdy. Árbir modýldi aıaqtaǵan saıyn stýdentter bız­nestegi naqty qadamdarǵa baı­la­nysty úı tap­syr­malary men jobalardy alyp turdy. Baǵdarlamaǵa túsý úshin stý­dentter óz kásiporyndarynda qatań súzgiden ótip, sonymen birge Máskeý memlekettik ýnı­ver­sıtetiniń Jo­ǵary bıznes mek­tebinde de qabyldaý synaqtaryn tapsyrdy. Modýlder kezinde toptarda jumys isteýdi, pikir­ta­lastar men tusaýkeserlerge bel­sendi qatysýdy, mol kólemdi úı tap­syrmalaryn oryndaýdy qa­ras­tyratyn oqytý baǵdarlamasy oǵan qatysýshylardan úlken kúsh-jigerdi, tabandylyqty ta­lap etti. Osy turǵydan kelgende MMÝ Joǵary bıznes mektebiniń sırek ádistemesi izgi maqsatty kózdeıdi. Ol adamnyń darynyn daralap asha­dy, onyń oılaý júıesi men minez-qulqyn, tipti boıdaǵy qadir-qasıetin ne­ǵurlym jaqsy jaqqa qaraı be­ıim­deıdi. Munda proble­ma­ny izdep tabýǵa, sóıtip jaqsy kásipkerdiń sol prob­lemany sát­ti­likke aınal­dy­rýy­na baýlıdy. Ál­bette, munda MVA baǵyty ne­giz­ge alynǵan. Áıt­kenmen, tańdal­ǵan pánder kom­panııanyń qajetine qaraı irik­telgen. Sol sebepten de ón­diristik me­nedjment, ózgeris­ter­di basqarý, jo­balardy ıgerý, jeke tulǵanyń damýy máselelerine erekshe kóńil bólindi. Bizdiń elimiz alýan baǵyttar boıynsha jedel damyp keledi. Onyń basty baılyǵy – adam­dar. ENRC-tiń adam kapıtalyn da­my­týǵa ba­sym­dyq berýi kompa­nııa­nyń res­pýb­lıka basshyly­ǵy­nyń sara ba­ǵytyn qoldap otyr­ǵandyǵyn aı­ǵaq­taıdy. Osy oraıda ENRC PLC bas atqa­rý­shy dırektory Felıks Výlıs myna jaılardy erekshe atap kórsetti: – Kadrlardy oqytý jáne kásibı turǵydan daıarlaý ENRC-tiń basym mindetteriniń birinen sanalady. Biz óz menedjer­le­ri­mizdiń kompanııa úshin ózekti ta­qyryptar boıynsha dıplom ju­mys­taryn qorǵaýda jaqsy nátı­jelerge jetkendigin maqtan tuta­myz. Osynaý baǵdarlama arqyly ENRC olarǵa kásiptik jáne tul­ǵalyq ósý múm­kindikterin usy­na­­dy, sóıtip so­nyń jemisin te­rip, kompanııanyń basqarý kapıta­lyn ulǵaıtady. Bıznestiń turaq­ty básekelestik ar­tyqshylyq­ta­ryn tek jańa bilim men bas­qa­rý­daǵy batyl sheshimder ǵana qam­tamasyz etpek. Al olardy sapaly daıyn­dyqtan ótken, bi­lim-biligi joǵary basqarý qyzme­tindegi maıtal­mandar júzege asy­rady. Búginde Qazaqstan álem­dik eko­nomıkanyń bir bóligine aınaldy. Jahandaný bıznes sa­pasyn jaı jaqsartýdy ǵana emes, soǵan qosa kom­panııalardy bas­qarýǵa degen kózqarasty túbegeıli ózgertýdi talap etýde. Bıznes jańa jaǵ­daı­da qalaı jumys isteýdi biletin, ju­mys isteı alatyn besaspap ma­mandardy kútedi. MVA baǵdarla­masynyń búgingi tú­lek­teri ke­le­shekte kompanııa tiz­gi­nin óz qol­dar­yna alyp, ujymdy jańa kók­jıekterge bastaıdy dep senemiz. Bizdiń jańa túlekterimizge shy­ǵar­ma­shylyq tabystar tileımin. Olardyń joldaryna gúl bitip, bilimderin is júzinde qoldanatyn bolsyn. Erteńimizge qamqor ENRC bas­shysynyń osy aqjoltaı tile­gine biz de qosylamyz. Iske sát, jas mamandar! Qorǵanbek AMANJOL.