«Dál qazirgi ýaqytta qaıtys bolǵandardyń denesi sýdan shyǵarylyp jatyr. Olardyń sany boıynsha jaǵdaı jyldam ózgerip jatyr. Aldyn ala pikir bildirý qıyn», dedi aımaq basshysy Vladımır Solodov.
Solodov oqıǵa ornynda sot-medısınalyq sarapshylary jumys istep jatqandyǵyn qosyp ótti.
«Olar sheshimderdi prosedýralarǵa baılanysty qabyldaıdy. Aýa raıy múmkindik berse, oqıǵa ornyna Petropavldan Tergeý komıteti tergeý basqarmasynyń sot-medısınalyq saraptamasy ushyp shyǵady. Múrdelerdi tasymaldaý boıynsha jumysty tolyq kólemde uıymdastyramyz: qajettilik týyndasa, múrdelerdi Petropavl nemese Palanaǵa jetkizý qolǵa alynady», dedi Solodov.
Eske sala keteıik, 6 shilde kúni Reseıdiń Kamchatka óńirinde 28 adam mingen ushaq apatqa ushyrap, jolaýshylar túgel qaza tapty.
