Oqıǵa 6 shildede Nur-Sultan - Petropavl tas jolynyń 194 shaqyrymynda bolǵan.
Oblystyq PD málimetinshe, Toyota RAV4 kóligin 48 jastaǵy elorda turǵyny basqarǵan. Jol apatynyń basty sebebi – kólik dóńgeleginiń isten shyǵýy.
«Toyota RAV4 markaly kóliktiń júrgizýshisi – Nur-Sultan qalasynyń 48 jastaǵy turǵyny Kókshetaý jaqqa bara jatqanda kóliktiń aldyńǵy dońǵalaǵynyń jeli shyǵyp ketken. Sodan ol rólge ıe bola almaı, aýdarylyp qalǵan», deıdi polıseıler.
Jol apaty saldarynan kólik ishinde bolǵan 9 jasar qyz jaq súıegi, al anasy keýde tusynan jaraqat alǵan.
Qazirgi kezde kólik júrgizýshisine qatysty ákimishilik quqyqbuzýshylyq týraly kodekstiń 610-baby, 1-tarmaǵy (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) boıynsha ákimshilik hattama rásimdeldi.
