Qoǵam • 07 Shilde, 2021

Qyzmet kórsetý salasyndaǵy alaıaqttyq tyıylar emes

32 ret kórsetildi

Jıhazdardy jóndeý qyzmetterin «usynǵan», biraq óz mindettemelerin oryndamaǵan qostanaılyqqa qatysty polısııada 24 aryz tirkeldi. Tártip saqshylary jábirlenýshilerdiń aryzdaryn alýdy jalǵastyrýda, dep habarlaıdy Egemen.kz.

«Áýlıekól aýdanynyń 27 jastaǵy týmasy oblys ortalyǵynda jeke kásippen aınalysýǵa sheshim qabyldaǵan. Sol maqsatpen ol aǵasynyń atyna JK tirkep, jalǵa keńse alǵan. Kásiptiń máni jumsaq jıhazdy tartý jáne jóndeý qyzmetteri boldy. Klıentterden túsken 20, 30, 50 myń teńge az bolyp kórinip, eń úlken mámile 300 myń teńgeni quraǵan», dep habarlady polısııadan.

Kúdikti dıvandar men kreslolardy jalǵa alynǵan kólikpen alyp ketip, alaıaqtyqqa týystary men tanystaryn tartqany belgili boldy.

«Nátıjesinde aldanǵandardyń sany 24 adamdy qurady. Keıbireýleri BAQ pen áleýmettik jelilerde oblystyq polısııa departamentiniń habarlamasy shyqqannan keıin polısııaǵa júgingen. Azamattarǵa jalpy somasy bir jarym mıllıon teńgeden astam materıaldyq zalal keltirilgen. Alaıaq tapsyrys berýshilerdiń mindettemelerin qarjylyq qıyndyqtar sebebinen oryndamaǵanyn aıtty. Qazirgi ýaqytta qylmystyq ister Ońtústik polısııa bóliminen sotqa joldandy», dep túsindirdi polısııa departamentinde.

Polısııa qyzmetkerleri jábirlenýshiler sany odan da kóp bolýy múmkin ekenin aıtýda. 

Sondaı-aq Qostanaı polıseıleri taǵy bir alaıaqtyq týraly eskertedi.

«Ońtústik polısııa bóliminiń is júrgizýinde Qostanaıdyń 29 jastaǵy turǵynyna qatysty qylmystyq ister qozǵaldy. Ol azamattardan «septık daıyndaǵany» úshin aqsha jınaǵan. Búgingi tańda jábirlenýshilerdiń alty ótinishi tirkeldi», dep tolyqtyrdy vedomstvodan.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar