«Balalar úıiniń qyzmetkerlerimen vaksınasııa nemese PTR-anyqtama berý qajettiligi týraly áńgime júrgizildi. 93 qyzmetkerdiń tórteýi turaqty medısınalyq qarsy kórsetilimge ıe, bir tárbıeshi vaksınasııadan bas tartý týraly notarıaldy kýálandyrylǵan ótinish berip, PTR-test usynýdan bas tartty. Osyǵan baılanysty 3 shildeden bastap tárbıeshi jumystan shettetildi», dep túsindirdi vedomstvoda.
Uıymnyń qalǵan qyzmetkerleri vaksınasııadan ótkendigi atap ótildi.
Eldiń bas sanıtarlyq dárigeriniń qaýlysyna sáıkes, keıbir uıymdardyń jumys berýshileri birinshi komponentpen vaksınasııalaýdy 15 shildege deıin júrgizýge mindetti. 15 shildeden keıin ǵana monıtorıngtik toptar uıymdardy iriktep tekserýdi bastap, buzýshylyqtar anyqtalǵan jaǵdaıda aıyppul sanksııalaryn qoldanýy tıis.
Vaksınasııalanbaǵan qyzmetkerlerge jeti kúnde bir ret PTR-testileýden ótý mindetteldi.
