«Medısınalyq qarsy kórsetilimderi joq, Qazaqstan Respýblıkasynyń aýmaǵynda turaqty turatyn adamdar ınfeksııalyq jáne parazıttik aýrýlarǵa qarsy vaksınasııa alýǵa mindetti. (Kodekstiń 85-babynyń 4 jáne 8-tarmaqtary), sonyń ishinde COVID-19-ǵa qarsy profılaktıkalyq egý (Qazaqstan Respýblıkasy Úkimetiniń 2020 jylǵy 24 qyrkúıektegi № 612 qaýlysyna sáıkes)», delingen habarlamada.
Sonymen qatar medısınalyq qarsy kórsetilimderi joq adamdarǵa koronavırýsqa qarsy mindetti vaksınasııa júrgizýdiń zańdy negizderi bar jáne bul «Konstıtýsııanyń 31-babyna sáıkes (memleket adamnyń ómiri men densaýlyǵyna qolaıly qorshaǵan ortany qorǵaýǵa baǵyttalǵan)» negizdelgen.
«Adamnyń jáne azamattyń quqyqtary men bostandyqtaryna kepildik bere otyryp, Qazaqstan Respýblıkasynyń Konstıtýsııasy olardyń shektelý múmkindigin joqqa shyǵarmaıdy, sonymen birge mundaı shekteýdiń ruqsat etilgen tustaryn kórsetedi. Quqyqtar men bostandyqtar adamnyń quqyqtary men bostandyqtary men halyqtyń densaýlyǵyn qorǵaý maqsatynda ǵana shektelýi múmkin (Konstıtýsııanyń 39-babynyń 1-tarmaǵy)», dep túsindirdi Ádilet mınıstrligi.
