«Polısııa departamenti tyıym salynǵan jerlerde shomylý, aýyzsý jáne turmystyq qajettilikke sý alý, mal sýarý, shaǵyn kólemdi kemelermen jáne basqa da júzetin quraldarmen júzý sııaqty ortalyq sý paıdalaný qaǵıdalaryn buzǵany úshin Qazaqstan Respýblıkasynyń ákimshilik quqyq buzý týraly kodeksiniń 364-baby boıynsha ákimshilik jaza kózdelgenin eskertedi.
Birinshi rette ákimshilik eskertý túrinde jaza qoldanylady. Bir jyldyń ishinde qaıtalansa, jeke tulǵalarǵa 2 AEK mólsherinde aıyppul salýǵa ákep soǵady», dedi polısııa departamentiniń ókili.
Onyń sózinshe, jyl basynan beri atalǵan quqyq buzýshylyq jasaǵan 168 tulǵa ákimshilik jaýapqa tartylǵan.
«Sonymen qatar qoǵamdyq qaýipsizdikti qamtamasyz etý, tynyshtyqty buzbaý, qoǵamdyq jerlerde alkogoldik ishimdik ishpeý, qalalar men eldi mekenderdiń aýmaǵyn abattandyrý qaǵıdalaryn buzbaýǵa shaqyramyz», dedi Azamat Sadyqov.
