Oblystyq polısııa departamentiniń baspasóz qyzmeti taratqan aqparatqa súıensek, qazir «Zańsyz kelýshi-2021» jedel profılaktıkalyq is-sharasy ótip jatyr. Kóshi-qon polısııasynyń qyzmetkerleri atalǵan is-shara aıasynda birneshe derekti anyqtady.
«Bıylǵy mamyr aıynda Reseı Federasııasynyń azamatyna sol eldiń Qylmystyq Kodeksiniń 157-babynyń 1-bóligimen (Ata-ananyń sot sheshimi boıynsha kámeletke tolmaǵan balalardy, sondaı-aq on segiz jasqa tolǵan múgedek balalardy ustaýǵa qarajat tóleýden qasaqana jaltarýy) memleketaralyq izdeý jarııalanǵan. Qazir ustalǵan er adam shekara qyzmetine tapsyryldy», dep habarlady departamenttiń baspasóz qyzmeti.
Sondaı-aq jedel is-shara kezinde polıseıler qurylys nysandaryna tekserý júrgizdi. Atyraý qalasyndaǵy «Bereke» shaǵyn aýdanynda О́zbekstan Respýblıkasynyń 52 azamaty qujatsyz eńbek qyzmetin zańsyz júzege asyryp júrgeni belgili boldy. Sheteldik azamattar Atyraý qalalyq polısııa basqarmasynyń qabyldaý-taratý ornyna ornalastyryldy.
