Baqytjan Turlybekov eńbek jolyn daryndy balalarǵa arnalǵan Jaýtyqov atyndaǵy Respýblıkalyq mamandandyrylǵan fızıka-matematıka mektebinde bastady.
2009-2013 jyldar aralyǵynda Qazaqstan Respýblıkasy mádenıet jáne aqparat mınıstrliginiń túrli qurylymdyq bólimshelerinde qyzmet atqarǵan.
2013 jyldyń tamyzynan 2019 jyldyń tamyzyna deıin NewTimes.kz, Sn.kz aqparattyq agenttikteri men «Korrespondent» gazetin basqardy.
Joǵary bilimi bar, Ortalyq Azııa ýnıversıtetinde qazaq tili men ádebıeti mamandyǵyn, Ál-Farabı atyndaǵy Qazaq ulttyq ýnıversıtetinde psıhologııa mamandyǵyn, «Astana» ýnıversıtetinde zańger mamandyǵyn meńgergen.
Mektep oqýshylary arasynda batyrlar jyryn jatqa aıtýdan «Tulpar minip, tý alǵan» respýblıkalyq aǵartý jobasynyń negizin qalaýshy. Sonymen qatar uzyndyǵy 1000 shaqyrymnan turatyn «Han Keneniń izimen: taǵdyrly Torǵaıdan syrly Sozaqqa» atty ekstremaldy ekspedısııasynyń avtory jáne qatysýshysy.
Úılengen, 5 balasy bar. «Qazaq Epos» qoǵamdyq qorynyń negizin qalaýshy jáne dırektory.
