«Nur-Sultan qalasynda epıdemıologııalyq jaǵdaı shıelenise túsýde. Qalada 2400-ge jýyq tósek orny bar. Desek te, qosymsha tósek oryndary áli de qajet. Densaýlyq saqtaý basqarmasymen birlesken otyrysta qosymsha kovıdti tósek-oryndardy ornalastyrý týraly sheshim qabyldandy», dedi Shoranov.
Onyń aıtýynsha, jaqyn arada Nur-Sultan qalasy boıynsha densaýlyq saqtaý basqarmasy tıisti buıryqty qabyldaýy múmkin. Buıryqta naýqastar qandaı aýrýhanalarda josparly jáne shuǵyl kómek ala alatyny jóninde tolyq maǵlumat beriletin bolady.
«Koronavırýstyq ınfeksııamen kúresýden basqa, bizdiń mindetimiz – halyqty sapaly, onyń ishinde josparly jáne shuǵyl jaǵdaılar boıynsha kómekpen qamtamasyz etý», dedi Densaýlyq saqtaý mınıstriniń birinshi orynbasary.
