Sarbazdar bir jyl ishinde áskerı mamandyqtardy ıgerip, jaýyngerlik daıyndyqta jaqsy nátıjelerge qol jetkizgen. Sondaı-aq, olar oqý-jattyǵýlarda joǵary jaýyngerlik sheberlik kórsetken.
«Biz bir jylda naǵyz batyldyq pen erge tán minezdiń synaǵynan óttik. О́mirlik ustanymymyzdy qaıta qarastyrdyq. Komandırler árqashan qasymyzdan tabylyp, qoldaý kórsetti. Aqyl-keńesin berdi» deıdi efreıtor Rýslan Skobsov. Áskerı qyzmettik mindetin adal atqaryp, úlgili tártibi, jaýyngerlik daıyndyqtaǵy joǵary kórsetkishi úshin áskerı qyzmetshiler dıplomdarmen, alǵys hattarmen jáne baǵaly syılyqtarmen marapattaldy. Birqatar áskerı qyzmetshilerge áskerı shen berildi. «Jaýyngerlik týmen qoshtasqan sarbazdar «Men qazaqpyn» ánin shyrqap, alańda sappen júrip ótti. Olardyń arasynda Qarýly Kúshter qatarynda kelisimshartpen áskerı qyzmetti jalǵastyrýǵa nıet bildirgender bar», dep habarlady Atyraý garnızonynyń baspasóz qyzmeti.
