“JASTAR QAZAQSTAN HALQYNYŃ BIRLIGI ÚShIN”

Kókshetaýda osyndaı ataýmen aýmaqtyq forým ótti Uly Otan soǵysyndaǵy Jeńis­tiń 65 jyldyǵyn merekeleý aıa­syn­da “Dostar” mádenıet sa­raı­ynda ótkizilgen forýmǵa soǵys ar­dagerleri, stýdentter men jastar, memlekettik jáne úkimettik emes uıymdar men jastar birlestikteri­niń belsendileri, BAQ ókilderi qa­tysty.  Forým Dańq memorıaldyq keshenine gúl shoqtaryn qoıý, so­ǵys ardagerlerine eskertkish syı­lyqtar tapsyrý qurmetimen bas­taldy. Aqmola oblysy ákiminiń oryn­basary Ashat Qaınarbekov qut­tyq­taý sózin Elbasymyz N.Nazar­baevtyń “Otandy súıý — órke­nıettiliktiń birinshi  belgisi” degen ósıetimen bastady. “Búgingi fo­rým­nyń negizgi maqsaty rýhanı-mádenı jáne tarıhı qundy­lyq­tarymyzdy odan ári damytý men nyǵaıtýdaǵy  jastar moınyndaǵy salmaqty taǵy bir salmaqtaý, de­gen ol  qazaqstandyq patrıo­tızm­di, etnostyq qarym-qatynastar mádenıetin jandandyrý, jahan­dyq prosester jaǵdaıyndaǵy ur­paqtar jalǵastyǵy, qymbat rámiz­de­rimiz ben tilimizdi damytýǵa qur­met sezimin qalyptastyrý jónin­degi memlekettik máselelerge keńi­nen toqtaldy. Sondaı-aq, 213571 adamnyń basyn qurap otyrǵan aqmolalyq jastar elimizdegi irgeli isterge uıytqy bolatyndyǵy aıtyldy. Qazir óńir jastarynyń 58,2 paıyzy aýyldyq jerlerde turatyny bul pikirdi nyqtaı túsetini anyq. Resmı bólimde Qazaqstan jas­tar Kongresiniń atqarýshy dı­rek­to­ry N.Syzdyqov, Aqmola ob­ly­sy musylman áıelderi birles­ti­giniń tóraıymy R.Baıkenova, Qazaqstan halqy Assambleıasy oblystyq fılıalynyń múshesi T.Kondýr,  “Jiger” jas memleket­tik qyzmetkerler klýbynyń mú­shesi G.Saýhymova, Býrabaıdaǵy kadet korpýsynyń kýrsanty D.Ýshakov, “Jasyl el” stýdenttik otrıadynyń jasaqshysy A.Eseke­eva jáne basqalar ózderin tol­ǵan­dyryp júrgen oılaryn ortaǵa saldy. Jalpy otyrystan keıin tórt taqyryptyq baǵyttaǵy pikir al­masý uıymdastyrylyp,  Qazaq­stan jastaryna arnalǵan Úndeý qabyldandy. Forýmǵa  qatysýshylar  “Me­niń Qazaqstanym” atty konserttik baǵdarlamany  tamashalady. Aqmola oblysy.

“Jastar Qazaqstan halqynyń birligi úshin” jalpyulttyq forýmyna qatysýshylardyń úndeýi

Jas qazaqstandyqtar!

Búgingi tańda elimizde jas­tar­dyń óz qabiletterin shyń­daýǵa, shyǵarmashylyq áleýet­te­rin ashýǵa, qandaı da bir ba­tyl bas­tamalaryn júzege asy­rýǵa barlyq jaǵdaı jasalǵan. Bizder, “Jastar Qazaqstan halqynyń birligi úshin” jalpy­ult­tyq forýmyna qatysý­shy­lar Memleket basshysynyń Qazaq­standy XXI ǵasyrda odan ári órken­detýge jáne onyń halyqaralyq bedelin nyǵaıtýǵa baǵyttalǵan ıdeıalaryn iske asyrýǵa daıyn ekenimizdi má­limdeımiz. Aldymyzda tarıhı mańyzy zor oqıǵa – el Táýelsizdiginiń 20 jyl­dyǵy kele jatyr. Bul aı­týly be­les bizdiń urpaqqa úl­ken jaýap­ker­shilikter júk­teıdi. Biz memleketimizdiń ıntel­lek­­týal­dyq elıtasyn qalyp­tas­tyrý úshin jańa ǵasyrdyń jańa tehno­logııalaryn ıgerýge umtylýymyz kerek. Biz álemniń ozyq elderiniń stan­darttaryna sáıkes jańa bilim­derdi ıgerip, alǵan bilimi­mizdi Qa­zaqstannyń jedel ındýstrııalyq-ınnovasııalyq damýy úshin paı­dalanýǵa tıispiz. Biz memlekettik tildi odan ári damytýdy, baı mádenı mu­ra­myz ben qazaq halqynyń jáne elimizde tu­ryp jatqan bar­lyq etnostardyń salt-dástúrlerin saqtaýdy jaq­taımyz. Biz elimizdiń basty ıgi­lik­terin – etnosaralyq kelisimdi, tatýlyq pen birlikti saqtap, qorǵaıtyn bolamyz. Biz jańa ıdeıalardy júzege asyryp, árdaıym ómirsheń is­ter­diń bastaýynda turatyn bolamyz. Bizdiń jasampazdyq eńbegi­miz, shyǵarmashylyq kúsh-qaı­ra­tymyz ben bolashaqqa senimimiz táýelsiz Qazaqstannyń da­mýyna baǵyt­ta­latyn bolady! Elimizdiń jastaryn bizdiń bas­tamalarymyzdy qoldaýǵa jáne olar­dy iske asyrýǵa bel­sene at­salysýǵa shaqyramyz. Barlyq kúsh-jigerimizdi birli­gi­mizdi saqtaýǵa jáne ortaq Ota­nymyz – Qazaqstan Respýblıkasy­nyń órkendeýine jumsaıyq! Baqbergen AMALBEK.