Qoǵam • 09 Shilde, 2021

Mindetti vaksınasııa: 15 shildeden keıin qyzmetkerler qalaı tekseriledi?

1 mın

oqý úshin

Densaýlyq saqtaý mınıstrligi 15 shildeden keıin jumys berýshi men qyzmetkerlerdiń vaksınasııa mártebesi qalaı tekseriletinin aıtty, dep habarlaıdy Egemen.kz.

Gaýhar QAPASh

Mindetti vaksınasııa: 15 shildeden keıin qyzmetkerler qalaı tekseriledi?

Densaýlyq saqtaý mınıstrliginiń málimeti boıynsha, tekserýge ishki ister organdarymen birlesip monıtorıngtik toptar tartylady.

Halyqtyń sanıtarııalyq-epıdemıologııalyq salamattylyǵy salasynda memlekettik organdar ishki ister organdarynan tıisti materıaldardy alǵan kezde Halyq densaýlyǵy jáne densaýlyq saqtaý júıesi týraly kodekstiń 82-babynda kózdelgen mindetterdi oryndamaǵany úshin jumys berýshilerge ákimshilik quqyq buzýshylyq týraly hattama toltyrylady.

sanıtarııalyq-epıdemıologııalyq jáne sanıtarııalyq-profılaktıkalyq sharalardy júrgizý;

kórsetiletin qyzmetterdiń qaýipsizdigin qamtamasyz etý;

sanepıdbaqylaý organdarynyń laýazymdy tulǵalarynyń aktilerin oryndaý;

qyzmetkerler arasynda densaýlyqty nyǵaıtý jáne aýrýlardyń aldyn alý úshin qolaıly jaǵdaılar jasaý.

«QR ÁQBK-niń 425-baby 1-bóligi boıynsha zańnama oryndalmaǵan jaǵdaıda jáne QR ÁQBK-niń 462-baby 3-bóligi boıynsha halyqtyń sanepıdemıalogııalyq ál-aýqaty salasyndaǵy laýazymdy tulǵalar qaýlysy men nusqamasy oryndalmaǵan jaǵdaıda aıyppul salynýy múmkin. Eńbek kodeksiniń 48-babyna sáıkes, jumys berýshi, eger onyń is-áreketi onyń ómiri men densaýlyǵyna, onyń ishinde basqa da qyzmetkerlerge aýyr zardaptar ákelýi múmkin bolsa, qyzmetkerdi shettetýge mindetti», delingen Densaýlyq saqtaý mınıstrligi habarlamasynda.