– Naýqastardyń 53 paıyzy qaýipti vırýsty toı-tomalaqta, eske alý is-sharalarynda, saýda úıleri men bazarlar, qoǵamdyq tamaqtaný oryndary men túngi klýbtarda juqtyrǵan. Al 25,9 paıyzy – naýqastarmen jaqyn qarym-qatynasta bolǵandar, 11,7 paıyzy qoǵamdyq kólikterde shaldyqqan. Turǵyndar sanıtarlyq saqtyq sharalaryna nemquraıdy qaraı bastady. Betperde taqpaý, áleýmettik araqashyqtyqty saqtamaý epıdemııalyq ahýalǵa keri áserin tıgizip otyr. Taǵy bir sebebi – jańa shtamnyń taralýy. Almatyǵa jiberilgen 43 synamanyń
18-inen «Delta» shtamy anyqtaldy. Bul shtamnyń juǵý deńgeıi eki ese joǵary, aýrý belgisi aýyr formada ótedi, – deıdi M.Tanaýov.
Al oblystyq densaýlyq saqtaý basqarmasy basshysynyń mindetin atqarýshy Qaısar Abdýalıevtiń aıtýynsha, koronavırýsty juqtyrǵandar sanynyń ósýine baılanysty Atyraý qalasynda rezervten 330 ınfeksııalyq tósektik oryn iske qosylǵan. Qaýipti vırýsqa shaldyǵýshylar sany óse berse, №2 oblystyq aýrýhanadaǵy 30 oryndyq ishek ınfeksııasy bólimin ınfeksııalyq stasıonarǵa aınaldyrý josparlanyp otyr. Epıdemııalyq jaǵdaı kúrdelenetin bolsa, oblystyq aýrýhananyń jańa korpýsynda daıyndalǵan 200 oryn da ınfeksııalyq stasıonarǵa aınalady. Sondaı-aq temir jol aýrýhanasynan koronavırýs juqtyrǵan naýqastardy emdeý úshin arnaıy oryn daıyndalady.
– Sońǵy on kúnde óńirde ólim kórsetkishi 50 paıyzǵa ósti. Jyl basynan beri Atyraý oblysynda koronavırýs ınfeksııasyn juqtyrǵan 160 adam qaıtys boldy. Olardyń deni – sozylmaly aýrýy bar egde jastaǵy adamdar. Qaıtys bolǵandardyń ortasha jasy – 67-de, – deıdi Q.Abdýalıev.
Onyń málimetine súıensek, óńirge aqpan aıynan beri 141 200 doza vaksına jetkizildi. Al 1 aqpan – 10 shilde aralyǵynda 113 798 atyraýlyq Spýtnık V, QazVac, Hayat Vax vaksınalarynyń
I komponentin saldyrǵan. Vaksınalardyń II komponentin alǵandar sany 60 410 adamǵa jetip otyr. Alaıda vaksınalaýǵa qatysty tómengi kórsetkish sozylmaly aýrýlary bar naýqastar (11%), stýdentter (11,4%) men pedagogter (50%) arasynda baıqalady.
Osyndaı sebepten be, sońǵy úsh kúnde 570 adam koronavırýs ınfeksııasyn juqtyryp aldy. Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 8 shildede – 154, 9 shildede – 160, al 10 shildede 256 adam koronavırýs ınfeksııasyna shaldyqqan.
– Máselen, 10 shildede Atyraý qalasynda qaýipti vırýs juqtyrýdyń 201 jaǵdaıy tirkeldi. Qyzylqoǵa aýdanynda – 13, Teńiz ken ornynda – 12, Inderde – 12, Jylyoıda – 8, Mahambette – 6, Qurmanǵazy aýdanynda 4 adamnan koronavırýs ınfeksııasynyń belgisi tabylyp otyr. О́ńirdegi 2 428 tósektik orynǵa eseptelgen ınfeksııalyq stasıonarlarda 771 pasıent em qabyldaý úshin oqshaýlandy. Stasıonarlardaǵy júkteme – 31,7 paıyz. Al 103 oryndyq jansaqtaý bóliminde 46 pasıent jatyr. Naýqastardyń tórteýi ókpeni jasandy jeldetý apparatyna qosylǵan. Jansaqtaý bólimindegi júkteme 42 paıyzdy quraıdy, – dep málim etti basqarmanyń baspasóz qyzmetinen.
Belgili bolǵandaı, modýldik aýrýhanada – 186, aýdandardaǵy stasıonarlarda – 180, №2 oblystyq aýrýhanada – 148, kardıologııalyq ortalyqta 100 pasıent emdelýde. Sondaı-aq ftızıopýlmanologııalyq ortalyqta – 96, Teńiz kenishindegi ınfeksııalyq stasıonarda 61 naýqas oqshaýlanǵan. Buǵan qosa, hattamaǵa sáıkes emdelýdi óz úıinde jalǵastyryp jatqan 708 adam bar.
