Shymkent garnızonyndaǵy 10216 áskerı bólimniń jeke quramy ekologııalyq aksııa uıymdastyrdy. «Tazarý kúni – Naýryznamanyń sońǵy kezeńi ǵana emes, taza oımen jáne álemdi jaqsartýǵa degen nıetpen jańa jyldy bastaý», dep atap ótti bólim komandıri podpolkovnık Dáýletbek Qoǵabaev.
Sabyr Rahymov atyndaǵy áskerı kolledjdede áskerı qyzmetshilerdiń, oqytýshylar jáne tárbıelenýshilerdiń qatysýymen ekologııalyq aksııa ótip, oqý ornynyń jeke quramy aýmaqty retke keltirip, oqýǵa jáne demalýǵa yńǵaıly ári qolaıly orta jasaýǵa atsalysty.
Bul kúni Baýyrjan Momyshuly atyndaǵy mehanıkalandyrylǵan brıgada shabýyldaý batalonynyń kelisimshart boıynsha áskerı qyzmetshileri men sarbazdary, áskerı bólim aýmaǵynda aǵash kóshetterin otyrǵyzyp, ıgi iske jumyldy. Bul is-shara áskerı ujymdaǵy birlik rýhyn nyǵaıtýǵa septigin tıgizdi.
Tazarý kúni: Prezıdent azamattardy tazalyq pen tártip estafetasyna belsene qatysýǵa shaqyrdy
Ekologııalyq bastamany Jetisý garnızony da belsendi qoldap, 18386 áskerı bólim qyzmetshileri ulttyq kıimmen kóshet otyrǵyzyp, dástúr men tabıǵatty qorǵaý arasyndaǵy úılesimdilikti kórsetti.
