Astanada bul kúni «Taza Qazaqstan» aýqymdy ekologııalyq bastamasy aıasynda «О́zińnen basta» aksııasy ótip jatyr. Ol qala turǵyndaryn birigip, aınalany taza ári kórikti etýge shaqyrady.
Atalǵan bastama aıasynda qalanyń alty aýdanynda qar men qoqysty tazartý jumysy júrgizilip jatyr.
Tazarý kúni: Prezıdent azamattardy tazalyq pen tártip estafetasyna belsene qatysýǵa shaqyrdy
Elorda boıynsha shaǵyn sáýlet nysandaryn, eskertkishter men músinderdi, qoqys alańdary men konteınerlerdi jýý jáne qalpyna keltirý júrip jatyr. Sondaı-aq aıaldama keshender, qorshaýlar, jaryq baǵanalary, aryqtar men sý aıdyndarynyń jaǵalaý aımaqtary tazartylyp, jýylyp jatyr.
Astanalyq stýdentter «Taza Qazaqstan» aksııasy aıasynda senbilik ótkizdi
Qala turǵyndary da aýlalar men kóshelerdi tazalaý jumysyna belsendi atsalysýda.
Dástúr boıynsha eriktiler jalǵyzbasty zeınetkerler men múmkindigi shekteýli jandardyń aýlalaryn qar men qoqystan tazartýǵa arnalǵan qaıyrymdylyq aksııasyn uıymdastyrdy. Bul sharaǵa eriktilermen qatar belsendi qala turǵyndary da qatysyp jatyr.
Atalǵan bastama qaladaǵy ekologııalyq jaǵdaıdy jaqsartýǵa, qorshaǵan ortaǵa uqypty qaraý mádenıetin qalyptastyrýǵa jáne turǵyndardyń tazalyq pen tártipke degen jaýapkershiligin arttyrýǵa baǵyttalǵan.
