Bul jóninde Ishki ister mınıstrligi málimdedi.
«Ishki ister mınıstrligi úkimettik emes uıymdarmen birlesip, ótken jyldyń qazan aıynan beri azamattyǵy belgisiz adamdardy anyqtaý jáne qujattandyrý boıynsha jumystar júrgizýde. Osyndaı aksııa barysynda 4636 qujatsyz adam anyqtaldy. Qazirgi ýaqytta polısııa qyzmetkerleri 3 408 adamnyń qujattaryn qalpyna keltirip, 1 278 adamǵa qatysty azamattyq rastaý rásimin aıaqtap jatyr. Aıta keterlik jaıt, jyl basynan beri adam saýdasymen baılanysty 103 qylmys tirkeldi», dedi vedomstvonyń baspasóz ókili Shuǵyla Turlybek.
Onyń usynǵan málimeti boıynsha, atalǵan 103 qylmystyń 61-i óndirispen aıaqtalyp, sotqa joldanǵan.
«Qazirgi ýaqytta sot 9 adamǵa qatysty aıyptaý úkimin shyǵardy. Taǵy 42 is tergeý satysynda bolsa, 9 adam túrli merzimge sottaldy. Eńbek jáne jynystyq quldyqtan 19 adam qutqaryldy. Budan basqa «Mıgrant» jáne «Zańsyz ımmıgrant-2» jedel is-sharasy barysynda 14,5 myńnan astam kóshi-qon zańnamasyn buzý jaǵdaıy anyqtaldy», dep túsindirdi Shuǵyla Turlybek.
Mınıstrliktiń deregi boıynsha kúzden beri sheteldikterdiń eńbegin zańsyz paıdalanýdyń 3 666 faktisi tirkelgen.
«Qazaqstannyń kóshi-qon zańnamasyn buzǵan 987 sheteldik elden shyǵaryldy. Sheteldikter týraly polısııaǵa habarlamaǵan 823 jumys berýshi men 5 966 azamat jaýapkershilikke tartyldy. Nátıjesinde, polısııa izdeýde júrgen 112 qylmyskerdi ustap, zańsyz kóshi-qon uıymdastyrýdyń 33 faktisin anyqtady», dep qorytyndylady IMM baspasóz ókili.
