Depýtattar aýyl sharýashylyǵyn odan ári jańǵyrtý jáne sıfrlandyrýdyń mańyzyn atap ótip, sút-taýar fermasynyń jumysynda osy ádisterdiń qoldanylýyn tekserip, nátıjelerimen tanysty. 1600 bas iri qara malǵa eseptelgen bul keshen osy saladaǵy iri jobalardyń biri bolyp sanalady.
Aýyldy damytý úshin zamanaýı tehnologııalardy engizýmen qatar, kadr tapshylyǵy problemasyn sheshý de mańyzdy. «Eńbek» memlekettik baǵdarlamasy aýyl turǵyndaryn eńbek kúshi tapshy óńirlerge kóshirýge baǵyttalyp otyr. Olga Perepechına men Erik Sultanov Astrahanka aýylynda elimizdiń ońtústik óńirlerinen osy jaqqa kóship kelgen azamattarǵa qandaı jaǵdaı jasalatyny týraly habardar boldy.
«Bul baǵdarlama elimizdiń soltústik aımaqtarynan halyqtyń ketýin azaıtýǵa múmkindik berip, adam resýrstary men aımaqtyń kadrlyq áleýetin jaqsartatyn bolady. Soltústik Qazaqstan oblysyn damytýdyń Keshendi josparyna engizilýi osy jumystyń erekshe mańyzyn kórsetip otyr», dedi Erik Sultanov.
Senatorlar Qyzyljar aýdany Chapaev aýylyndaǵy 720 bas sımmental asyl tuqymdy malǵa arnalǵan taýarlyq sút kesheninde boldy. Keshen dırektory agrokásiporyn jumysynyń qurylymy jáne negizgi óndiristik sharýashylyq kórsetkishteriniń qozǵalystarymen depýtattardy tanystyrdy.
«Qazirgi ýaqytta memleket sharýalarǵa qoldaý kórsetýde. О́ńirde sútti mal sharýashylyǵyn damytý jóninde baǵdarlamalar tabysty jumys isteýde. Aldaǵy ýaqytta memlekettik qoldaý men jeke ınvestısııalar esebinen salany qarjylandyrý ulǵaıady dep oılaımyn», dep atap ótti Erik Sultanov.
