Onyń aıtýynsha, «qandas» mártebesi 3 jumys kúni ishinde beriledi, al azamattyq alý úsh aıdyń ishinde júzege asyrylady.
«Qujattar sanyna kelsek, qazirgi kezde memlekettik organdar pysyqtalýda. Aqparat jáne qoǵamdyq damý mınıstrliginiń bastamasymen azamattyq berý boıynsha qujattardy ońtaılandyrý prosesi júrgizilip jatyr. Jyl sońyna deıin 46 qujattan 26-ǵa deıin qysqartý kózdelgen. Osynyń barlyǵy elimizge kóship kelgen nemese kóship kelýge nıet bildirip otyrǵan azamattarǵa jasalyp otyrǵan jeńildikterdiń biri. Qazir azamattyq alý men tirkeýge turý úshin bir-aq ret qujat tapsyrylady. Árqaısysyna bólek emes. IIM buıryǵymen bekitilgen bul tártip 2021 jyldyń 1 qańtarynan bastap kúshine endi», dedi M. Sarbasov.
Aıta keteıik, 2019 jyly «Otandastar qory» KEAQ janynan 1404 qysqasha nomeri boıynsha elimizge kóship kelgen qandastardy aqparattyq qoldaý ortalyǵy qurylǵan bolatyn. Qazirgi kezde 11 myńǵa jýyq ótinish kelip tústi. Onyń 95 paıyzy oryndalýda. M. Sarbasovtyń aıtýynsha, adamdar kóbinese qujattandyrý, bilim alý, tirkeý, áleýmettik máseleler boıynsha júginedi.
