«QR Indýstrııa jáne ınfraqurylymdy damytý mınıstrligi Azamattyq avıasııa komıtetiniń ujymy Serikbaev Dáýletbaı Musaıulynyń mezgilsiz qaıtys bolýyna baılanysty marqumnyń otbasy men dostaryna shyn júrekten qaıǵysyna ortaqtasyp, kóńil aıtady», dep habarlaıdy QR IIDM AAK baspasóz qyzmeti.
Ol Azamattyq avıasııa komıtetinde Jazǵy ushýdy paıdalaný basqarmasy basshysynyń mindetin atqarýshy bolyp jumys istedi.
«Úlken kásibı maman ári eńbek sińirgen avıator, ol kisi avıasııa salasynda 40 jyldan astam eńbek etti. Ár jyldary qazaqstandyq avıakompanııalarda jumys istep, IаK-40, TÝ-154, A-310 ushaqtarynyń ushqyshy jáne komandıri boldy. Dáýletbaı Musaıuly Azamattyq avıasııa komıtetinde 2002 jyldan bastap eńbek etip keldi», delingen QR IIDM AAK baspasóz qyzmeti habarlamasynda.
Kásibı sheberligi, eńbek jetistikteri jáne azamattyq avıasııa salasyn damytýǵa qosqan úlesi úshin ol salalyq júlde - «Qurmetti avıator» tósbelgisimen marapattalǵan.
