«Qazir armatýr óndiretin jańa 3 zaýyt salynyp jatyr, sonyń esebinen 100 paıyz otandyq naryq qamtamasyz etiledi. Al kirpishke kelsek, búginde elimizde 1 iri, 11 ortasha jáne 276 shaǵyn kirpish shyǵaratyn kásiporyn bar. Olar sılıkat jáne keramıkalyq kirpish jasaıdy. Qazirgi ýaqytta atalǵan ónerkásipter ishki naryqty 62 paıyzǵa kirpishpen qamtamasyz etip otyr. Onyń ústine byltyrmen salystyrǵanda bıyl kirpish óndirý kólemi 2 esege artyp otyr. Eldegi suranysty tolyq qamtamasyz etý maqsatynda 2022 jyldyń sońyna deıin elimizde kirpish shyǵaratyn jańa 14 zaýyt salý josparlanyp otyr. Onyń qýaty jylyna 440 mln dana kirpish shyǵara alady. Sonda otandyq naryqty tolyqtaı óz ónimimizben qamtı alamyz», dedi Qaıyrbek О́skenbaev OKQ-de ótken baspasóz máslıhatynda.
Odan bólek, vıse-mınıstr elimizdiń ımportqa táýeldiligin azaıtý jáne qurylys materıaldary baǵasynyń turaqtylyǵyn qamtamasyz etý maqsatynda mınıstrlik 2021-2025 jyldarǵa arnalǵan qurylys ındýstrııasyn damytý boıynsha memlekettik baǵdarlamany qabyldanǵanyn habarlady.
Qaıyrbek О́skenbaevtyń aıtýynsha, Qazaqstanda suranysqa ıe qurylys materıaldary men onyń baǵasyna taldaý júrgizildi. Buǵan deıin mınıstrdiń birinshi orynbasary elimizde turǵyn úı qurylysyna quıylatyn ınvestısııa kóleminiń óskenin aıtty.
