О́tip bara jatqan aptadaǵy KASE valıýta saýda-sattyǵynyń ashylýynda ulttyq valıýtaǵa degen suranystyń óskeni baıqaldy. Dúısenbi kúngi saýda-sattyq nátıjesinde bir dollar 427,43 teńgege teńestirilip, táýligine 1,81 teńgege deıin arzandady.
«USDKZT_TOM quralymen saýda-sattyq kólemi 201,7 mln dollarǵa jetti. Aǵymdaǵy jyly dollarmen saýdanyń ortasha táýliktik kólemi 130,1 mln dollardy quraıtynyn eskerdik. Naryqtaǵy kóńil-kúıdiń jaqsarýyna syrtqy naryqtyń salystyrmaly túrde turaqty sıgnaldary sebep boldy» dep aıtyldy Qazaqstan qarjygerleri qaýymdastyǵy habarlamasynda.
Habarlamada teńgeni qoldaý úshin bıýdjetke transfertter bólý sheńberinde Ulttyq qordan valıýtany turaqty satý sharalary iske asqany týraly jazylǵan.
«Osylaısha, Ulttyq qordan shetel valıýtasyn satý kólemi maýsym aıynda 1093,3 mıllıon dollarǵa deıin ósti. Bul sońǵy 12 aıdaǵy eń joǵary kórsetkish. Birinshi jartyjyldyqtyń qorytyndysy boıynsha Ulttyq qordan satylymnyń jalpy kólemi 4,3 mıllıard dollardy qurady» dep habarlaıdy QQQ.
Tańerteńgilik sessııasy bir dollar 426,62 teńgege baǵalanyp, ulttyq valıýta 1,11 teńgege nyǵaıdy.
Buǵan deıin Ulttyq bank tóraǵasynyń orynbasary Álııa Moldabekova 2021 jyly mamyrda valıýta naryǵyndaǵy jaǵdaı teńdestirilgen, qarjylyq retteýshi aralaspady dep málimdedi.
Onyń aıtýynsha, valıýta naryǵynda bıýdjetke aýdarymdar jasaýǵa 553 mıllıon dollar aýdaryldy, kvazımemlekettik sektordyń satý kólemi shamamen 340 mıllıon dollardy qurady.
