Premer-Mınıstrdiń birinshi orynbasary Álıhan Smaıylovtyń tóraǵalyǵymen Kásipkerlik qyzmetti retteý jónindegi vedomstvoaralyq komıssııanyń otyrysy ótti, onda órt qaýipsizdigi salasynda jedel áreket etý sharalaryn qoldana otyryp, memlekettik qadaǵalaýdy engizý máseleleri talqylandy.
Usynylyp otyrǵan erejeniń maqsaty – adam ómiri men densaýlyǵyna aıqyn qaýip tóngen kezde obektide ýchaskeniń jumysyn toqtata turý boıynsha jedel áreketke kóshý. О́rt qaýipsizdigi salasynda memlekettik qadaǵalaýdy engizý jedel sharalar qabyldaýǵa múmkindik bermek. Sonymen qatar ol órttiń aldyn-alýdyń jáne adamdardyń ómirin qorǵaýdyń tıimdi quraly bolmaq. Kezdesýde sonymen qatar jeke kúzet uıymdarynyń qaýipsizdik qyzmetterin usyný kezinde terrorızmge osal nysandardaǵy (TON) qaýipsizdik deńgeıin arttyrý máseleleri talqylandy.
Usynylǵan sheshimder kúzet qyzmetterin usynýda kem degende bir jyldyq tájirıbeni talap etedi. Sondaı-aq uıymdar tarapynan tıisti deńgeı men qylmystardyń ýaqytyly jolyn kesý úshin keńse ǵımaratynda ornalasqan ortalyqtandyrylǵan kúzet pýnktiniń bolýy jáne ortalyqtandyrylǵan baqylaý pýltimen qamtamasyz etilýi kerek. Premer-Mınıstrdiń orynbasary vedomstvoaralyq komıssııada talqylanǵan basqa máseleler boıynsha birqatar tapsyrma berdi.
