Ýfalyqtar top repertýaryndaǵy zamanaýı úlgide dybystalǵan álemdik klassıkalardy tyńdady. Skrıpkashy Ásel Isaevanyń oryndaýyndaǵy Bah pen Vıvaldı týyndylary da usynyldy.
Karantın ýaqytynda mýzykalyq top birneshe jańa kúı jazdy, sondaı-aq onlaın baıqaýlarǵa da qatysty.
«Naýryzda onlaın rejiminde ótken Los-Andjelestegi festıvalde bas júldeni aldyq. Oǵan 80-nen astam elden ókilder qatysty. Baıqaý birneshe kezeńnen turdy – irikteý, sodan keıin kontınentaralyq. Osy kezeńderdiń bárinen ótip, biz jeńiske jettik. Karantın kezinde bul biz úshin mańyzdy oqıǵa boldy. Bul bizdi jigerlendirip, aldaǵy jumystarymyzǵa kúsh berdi», dedi Ásel Isaeva.
