QARÝ-JARAQ SAQTAÝDAǴY QAÝIPSIZDIK

29 sáýirde Qaýipsizdik Keńesi hatshysynyń orynbasary – Hat­shylyq meńgerýshisi Qozy-Kórpesh Jańbyrshınniń tóraǵalyǵymen Qaýipsizdik Keńesi ınspeksııa­sy­nyń kezekti otyrysy boldy. Onda eki másele qaraldy: 1) Memleket basshysynyń oq-dárilerdi saqtaý jáne olardy qaıta kádege asyrý ny­sandarynda qaýipsizdikti qam­ta­masyz etý jónindegi tapsyrmala­ryn oryndaý barysy týraly; 2) áskerı qyzmetkerlerdi turǵyn úı­men qamtamasyz etý kezinde zań­dylyqtyń saqtalýy týraly. Kún tártibindegi birinshi másele boıynsha Tótenshe jaǵdaılar jó­nin­degi vıse-mınıstr Valerıı Pe­trov­tyń jáne bas áskerı prokýror Erǵalı Merzadınovtiń habarlama­la­ry tyńdaldy. Mem­leket basshy­synyń qarý-jaraqty saqtaý jáne qaıta kádege asyrý qaýipsizdigin qam­tamasyz etýge qatysty tapsyr­ma­laryn iske asyrý jóninde mem­lekettik organdar qabyldaǵan sha­ralarǵa baǵa berildi. Ekinshi máseleni qaraý kezinde bas áskerı prokýror Erǵalı Mer­za­dınov Qaýipsizdik Keńesi ınspek­sııasynyń múshelerin áskerı qu­rylymdarda turǵyn úı zańdylyǵy talaptarynyń oryndalýy týraly habardar etti. Talqylaý nátıje­leri boıynsha áskerı organdardyń or­talyq apparattary men gar­nızon­darda tur­ǵyn úıge kezekti qalyp­tas­tyrý jáne ony bólý kezindegi zań­dy­lyqtyń saqtalýyn tekserý jóninde Qaýipsizdik Keńesi ıns­pek­sııasynyń Arnaýly komıs­sııasyn qurý týraly sheshim qa­byldandy. Otyrys qorytyndylary boı­yn­sha múddeli memlekettik organ­darǵa tıisti tapsyrmalar berildi.