Eske sala ketsek, 2011 jyly Tarazdaǵy terrorlyq shabýyl kezinde qaza tapqandardyń arasynda UQKD qyzmetkerleri Muhtar Halıev pen Sergeı Kasıanenko bar bolatyn.
Olar dinı ekstremıstermen baılanysy bar degen kúdikke ilingen qylmyskerge syrtqy baqylaý júrgizdi. Terrorıst izine túsken jedel-izdestirý basqarmasy qyzmetkerlerine shabýyl jasady.
Batyrlardyń esimi endi UQKD ǵımaratynyń janyndaǵy alańda ornalasqan eskertkish-monýmentte máńgi saqtalmaq.
Eskertkishtiń ashylý saltanatyna Jambyl oblysynyń ákimi Berdibek Saparbaev, oblys prokýrory Nurǵalym Ábdirov, UQKD bastyǵy Marat Irmenov, polısııa departamentiniń bastyǵy Janat Súleımenov jáne qaza tapqan qyzmetkerlerdiń jaqyn týystary qatysty.
Aımaq basshysy Ulttyq qaýipsizdik komıtetiniń qurylǵan kúni ashylyp otyrǵan batyrlarǵa arnalǵan eskertkish-monýmenttiń aıryqsha mańyzdylyǵyn atap ótti.
«Týǵan jerdegi beıbitshilikti, turaqtylyqty saqtaý úshin óz ómirin qıǵan UQKD qyzmetkerleri – eli men halqyna shynaıy berilgen, sheksiz adaldyqtyń úlgisi bolyp qala bermek. О́skeleń jas urpaq osyndaı azamattardan úlgi alýy tıis Osy skverdi abattandyrǵany úshin UQKD basshylyǵy men qyzmetkerlerine alǵysymdy bildiremin», dedi Berdibek Saparbaev.
Shara barysynda qaza tapqan qyzmetker Muhtar Halıevtiń ákesi Ermekbaı Halıev te sóz sóıledi.
«Aspanymyz árqashan ashyq, elimiz beıbitshilikte ómir súrsin!», dep tilek bildirdi Ermekbaı Halıev.
