Qoǵam • 15 Shilde, 2021

Demokratııanyń dańǵyl joly

159 ret kórsetildi

Bıyl elimizdi úlken saıası synaq kútip tur. Bul – aýyl ákimderin saılaý. Bu­ǵan basymdyq berýimizdiń, saıası sy­naq retin­de erekshe atap kórsetýimizdiń bir­neshe se­be­bi bar.

«Bul án burynǵy ánnen ózgerek» demek­shi, bıylǵy aýyl ákimderin saılaýdyń burynǵy saıası dodalardan aıyrmashylyǵy úlken. Alǵash ret ákimderdi aýyl turǵyndary tikeleı daýys berý arqyly saılamaq. Bul bas­tamany Memleket basshysy Qasym-Jomart Toqaev byltyr halyqqa Joldaýynda kótergen bolatyn.

«Qoǵamdyq pikir saýaldamalary aýyl ákimderiniń saılaý arqyly qyzmetke kelýine qatysty suranystyń artqanyn kórsetip otyr. Bul mańyzdy qadamdy jan-jaqty oılastyryp, dáıekti túrde júzege asyrǵan jón. Mundaı júıeniń qalaı jumys isteıtinin naqty bilýimiz kerek. Alaıda bul máseleniń sheshimin keıinge qaldyrýǵa bolmaıdy.

Kelesi jyly birqatar aýyldyq okrýg ákimderiniń ókilettik merzimi aıaqtalady. Aýyl ákimderiniń tikeleı saılaýyn ótkizýge bolady dep oılaımyn. Jergilikti bılik ókilderiniń saılanbaly bolýymen qatar, memlekettik basqarý deńgeıleri arasyndaǵy quzyretterdi bólý jáne jergilikti ózin ózi basqarý isin aıqyndap alýymyz qajet», degen edi Prezıdent.

Aýyl ákimderin saılaý – demokratııaǵa bastaıtyn úlken qadam ekeni anyq. О́ıtkeni buǵan deıin eldi mekenderdi aýdan basshysyna qolaıly ákimder basqaryp keldi. Ondaı jaǵdaıda turǵyndardyń muń-muqtajy ekinshi orynǵa ysyrylyp, aýyl ákimderiniń joǵary jaqtyń kóńilin tabýǵa tyrysatynyna talaı márte kýá boldyq.

Endigi jerde tizgindi tek halyqtyń qamyn oılaıtyn, el úshin eńbek etetin azamattar ustamaq. Árıne bul buǵan deıin ákim bolǵandardyń arasynda turǵyndardyń muń-muqtajyna nazar aýdarǵan azamattar múldem joq degen sóz emes. Bıylǵy saılaýda olardyń keıbiri qaıta saılanýy bek múmkin. Bastysy – aýyl ákimi endi  aýdandaǵylarǵa emes, ózin saılaǵan turǵyndarǵa esep beredi. Munyń ózi Prezıdent Qasym-Jomart Toqaev usynǵan «Halyq únine qulaq asatyn memleket» tujyrymdamasyna saı keledi. Bul – birinshiden.

Ekinshiden, aýyl turǵyndary ákimdi tikeleı saılaý arqyly eldegi saıası ómirge belsene aralasa bastaıdy. Buǵan álemniń basqa elderinde ótetin aımaqtyq saılaýlar dálel. Mysaly, AQSh-ta bir jylda irili-usaqty myńdaǵan saıası doda ótedi eken.

Aqúı basshysynan bastap, shtat gýbernatoryn, qala merin, kent ákimin, aýyl basshysyn, tipti keıde shaǵyn aýdan jetekshisin de halyq tańdaıdy. Tipti muhıttyń arǵy betinde jergilikti úndis taıpalarynyń kósemderi de saılaý arqyly anyqtalady.

Osylaısha, muhıttyń arǵy betiniń turǵyndary 500 myń kandıdatty qutty qyzmetine otyrǵyzady. Budan bólek, Jańa Zelandııada da aımaqtyq, aýyldyq ákimderdi turǵyndar saılaıdy. Aıta berseńiz, mundaı mysaldar jetip-artylady. Endeshe, Memleket basshysy aıtqan bastamany sheteldik tájirıbege súıene otyryp júzege asyrýǵa múmkindik mol.

Bir jylda ótetin saılaýdyń munshalyqty kóptigi halyqtyń saıası belsendiligin arttyryp, qoǵam ómirine aralasýyna sep bolady. О́ıtkeni turǵyndar ózi saılaǵan úmitkermen tikeleı baılanys ornata alady. О́z kezeginde halyq saılaǵan ákimder de senim údesinen shyǵýǵa tyrysatyny aıtpasa da túsinikti.

Aýyl ákimin saılaý demokratııalyq ózgeriske jol ashady. Sondaı-aq halyq ózi jaqsy tanıtyn, etene aralasatyn adamǵa bılik tizginin ustatady. Iаǵnı kerek sátinde qoldap, kez kelgen ýaqytta aryz-shaǵymyn aıta alady.

Úshinshiden, aýyl ákimderin saılaý táji­rıbe ispetti. Osy bastama sátti ótse, keleshekte bul úrdisti keń aýqymda jalǵastyrýǵa múmkindik bar. Bul týraly Qasym-Jomart Toqaev Ulttyq qoǵamdyq senim keńesiniń V otyrysynda: «Biz munymen shektelip qalmaımyz. Kelesi mańyzdy qadam – aýdan ákimderiniń tikeleı saılaýy. Men bul saılaý­dy 2024 jyly ótkizý kerek dep sanaımyn. Osy bastama elimizdi demokratııalandyrýǵa jáne jergilikti basqarý ınstıtýtyn nyǵaıtýǵa eleýli úles qosady dep senemin.

Túptep kelgende, aýdandarda saılaý ótkizý halyq bıligin ornatýdyń aıqyn kórinisi bolmaq. Sondyqtan quzyrly memlekettik organdarǵa qajetti daıyndyq jumystaryn júrgizýdi tapsyramyn», degen.

Qoryta aıtqanda, bıylǵy jyl – el damýyndaǵy óte mańyzdy kezeńge aınalmaq. Bul belesten súrinbeı ótsek, demokratııaǵa salynǵan dańǵyl jolda dittegen jerimizge jańylmaı jeterimiz anyq.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar