Jyr alybyna arnalǵan jyljymaly kórme

Mándi sharany M.Tynyshbaev atyn­daǵy Almaty oblystyq tarı­hı-ólketaný mýzeıiniń fılıaly Jam­byl Jabaevtyń ádebı-memo­rıal­dyq mýzeıiniń qyzmetkerleri uıym­dastyrýda. Ashylý rásimine ta­rı­hı-ólketaný mýzeıiniń dırektory, kór­me jetekshisi Yrysjan Aıazbaeva, ar­qaly aqynnyń nemeresi Saltanat Jam­bylova, shóberesi Qarlyǵash Tezek­baı qatysyp, sapar maqsaty týraly keńinen baıandap berdi. Keńes Od­a­ǵynyń Batyry Málik Ǵabdýllınniń murajaıynda ótkizilip jatqan kórme barysynda jalǵyz jádigerler ǵana emes, jyr alybynyń aqbas tolqyndary býyrqanǵan alapat teńiz ispetti rýhanı álemi bar syryn ashyp, áshekeıli álemin jarqyrata kórsetýde. Jyrshynyń eki birdeı dombyrasy, kelisti kemer bel­digi, otbasylyq fotosýretteri, ár jyldary jaryq kórgen jınaqtary, tutynǵan zattary da syzylta syr sher­tip turǵandaı.

– 1938 jyly atamyzǵa eńsesi bıik 12 bólmeli úı turǵyzylǵan, – deıdi Qar­lyǵash Tezekbaı, – qazirgi kúni bul úı me­morıaldyq mýzeıge aınaldy. Úsh myń­nan astam jádiger jınaqtaldy. Kók­shetaýǵa biz sonyń negizgilerin ǵana ákel­dik.

Málik Ǵabdýllın men Jambyl Ja­baevtyń arasyndaǵy aǵaly-inilikke ulas­qan syılastyq pen izet ja­ıyn­da áserli áńgime órbip, rýhanı baıla­nystyń tini tarqatylyp aıtyldy. Kókshe­taýlyqtar jyr darııanyń móldir tamshylarymen meıirin qandyrǵan mándi shara áli de jalǵasýda.

Kókshetaý