Shymkent qalasynyń turǵyndaryna 36 medısınalyq uıym qyzmet kórsetedi. Jyl basynan jańa 5 medısınalyq uıym ashylyp, densaýlyq saqtaý salasynda memlekettik-jekemenshik áriptestik baılanystar nazarǵa alyndy. Medısınalyq uıymdardyń materıaldyq-tehnıkalyq bazasyn jańartýǵa 9 mıllıard teńge bólinip, jańartý jumystary 71 paıyzdan 81 paıyzǵa ósti.
Bıyl 6 medısınalyq uıymnyń ǵımarattary kúrdeli jóndeýden ótkizilse, aldaǵy bes jyl ishinde 10 medısınalyq uıymnyń qurylysy josparlanǵan. 2023 jylǵa deıingi merzimde qala ortalyǵynan shalǵaıda jatqan aýmaqtarda 12 dárigerlik ambýlatorııa salynatyn bolady.
Izraıl, Almanııa, Reseı, Lıtva memleketteriniń ozyq medısına ǵalymdaryn tarta otyryp, halyqqa usynylatyn medısınalyq qyzmetterdiń sapasyn arttyrý maqsatynda medısına qyzmetkerleriniń 30 paıyzyna kásiptik tájirıbe arttyrý dáristerin uıymdastyrý qolǵa alyndy.
