Aqtaý qalasynyń turǵyny Baqtygúl Kabýldına perınataldyq ortalyqqa jedel járdem brıgadasymen jetkizildi. Júkti áıeldiń ókpesi 70% zaqymdalǵandyqtan, qursaqtaǵy balaǵa jetkilikti ottegi barmaǵan.
«Bastapqyda men vırýspen ózim kúrestim. Biraq bul úlken qatelik bolǵanyn keıinnen túsindim. Qursaǵymdaǵy balanyń ómiri úshin qoryqtym. Entigý kúsheıip, júregim toqtap qalatyndaı sezimde boldy. Jaqyndarym men nárestemdi endi kórmeımin dep oıladym. Men jáne meniń balam dárigerlerdiń arqasynda aman qaldyq. Perınataldyq ortalyqtyń dárigerlerine alǵysymyz sheksiz», deıdi Baqtygúl Kabýldına.
О́mir esigin endi ashqan sábı Baqtygúl Kabýldınanyń besinshi balasy. Qazir batyr ana men balanyń ómirine qaýip tónip turǵan joq. Birneshe kúnnen keıin olar perınataldy ortalyqtan shyǵarylyp, úılerine qaıtady.
Aıta keteıik, oblystyq perınataldyq ortalyq bazasyndaǵy ınfeksııalyq bólimshede 40 áıel emdelýde. Olardyń 5-ýi jansaqtaý bólimine aýystyrylyp, О́JJ apparatyna qosylǵan.
Dárigerler júktilik respıratorlyq vırýstyq ınfeksııanyń qaýpin arttyratynyn eske salady. Sol sebepten, júkti áıelderge koronavırýsty juqtyrý múmkindigin azaıtý úshin qatań oqshaýlaý rejımin ustanǵan jón.
