Elordada koronavırýs aýrýynyń kúrt ósýine baılanysty karantındik sharalar kúsheıtildi. Demalys kúnderine lokdaýn engizildi.
Jańa qaýlyǵa sáıkes elordanyń qoǵamdyq kóligi demalys kúnderi, ıaǵnı senbi jáne jeksenbi kúnderi júrmeıdi. Avtobýstarda betperde rejımi mindetteledi, al jolaqy qolma-qol aqshasyz tólenedi.
Budan basqa, qoǵamdyq tamaqtaný nysandary – dámhanalardyń, meıramhanalardyń, kofehanalardyń jumys rejımi qysqartyldy, olar kelýshilerdi dúısenbi-juma kúnderi tańǵy 7-den 17.00-ge deıin qabyldaıtyn bolady. «Ashyq» jobasymen jumys isteıtin mekemelerge dúısenbi-juma aralyǵynda saǵat 20.00-ge deıin jumys isteýine ruqsat etiledi. Al demalys kúnderi jumys isteýine tyıym salynady.
Demalys kúnderi saýda oıyn-saýyq ortalyqtarynyń, teatrlardyń, kompıýterlik klýbtardyń jáne t.b. jumysyna tyıym salynady.
Azyq-túlik jáne azyq-túlik emes bazarlardyń jumys tártibi saǵat 10.00-den 17.00-ge deıin belgilengen.
Qujat 2021 jyly 17 shilde kúni saǵat 00.00-de kúshine enedi.
Qaýlynyń tolyq mátinin myna jerden oqýǵa bolady.
Qatań karantındik shekteýlerdiń engizilýine COVID-19 indetiniń beleń alýy sebep bolyp otyr. Qazir pandemııany toqtatýdyń jáne ómirdiń burynǵy qalpyna oralýdyń jalǵyz tıimdi ádisi — vaksınasııa arqyly ujymdyq ımmýnıtetti qalyptastyrý.
Elordada 100-ge jýyq egý pýnkti BMSK mekemelerinde, iri saýda úıleri men SOO-larda ornalasqan. Olardyń kez-kelgeninde vaksına alýǵa bolady. Qala turǵyndary azamattyq ustanymyn kórsetip, vaksına alýda belsendilik tanytýy kerek. Sebebi adam densaýlyǵy tikeleı osyǵan baılanysty.
