Tehnologııa • 16 Shilde, 2021

Ozon saýda alańyna da jol ashyldy

29 ret kórsetildi

16 mıllıon klıenttik bazasy bar, aı saıyn 80 mıllıonnan astam paıdalanýshy kiretin reseılik Ozon platformasynda endi qazaq kásipkerleri de ónimderin saýdalaı alady. Marketpleıste kıim men taǵamnan bastap, balalar ónim­derinen kosmetıkaǵa deıingi 20 túrli sanattaǵy taýarlar bar.

Saýda jáne ıntegrasııa mı­nıs­tri Baqyt Sultanovtyń aı­týynsha, reseılik e-commerce al­paýytyna shyǵar joldyń ashylýy – qazaq kásipkerleri úshin úlken áleýet.

«Bizdiń taýarlar – aıaqkıim, zergerlik buıymdar jáne aýyl­sharýashylyq ónimderi osyǵan deıin de Ozon-da usynylǵan. Biraq Wildberries sııaqty, saıtqa kirý úshin bizdiń kompanııalar Reseı Federasııasynyń aýmaǵynda fılıaldar ashýǵa májbúr boldy. Bul bıznes úshin óte yńǵaısyz jáne qymbat. Logıstıkany je­tildirý jergilikti bıznestiń Ozon-ǵa shyǵýyna yqpal etti: mamyrdan bastap bizdiń kásipkerler Re­seıge taýarlardy tikeleı klıentke ózderi nemese úshinshi tarap tasymaldaýshylarynyń kóme­gimen jetkize alady», deıdi mınıstr.

Reseılik kompanııa jaqyn ara­da qazaqstandyq bıznestiń taýar­laryn Reseıge tasymaldaıtyn seriktes-logısterdiń tizimin usynbaq. Otandyq taýarlardy Reseı men ózge de óńirlerge jet­kizý úshin qoımaǵa ornalastyrý sharýa­sy da pysyqtalyp jatyr eken. Vedomstvo basshysy bas­qa marketpleıstermen de kelis­sózder júrip jatqanyn aıtady.

«Bizdiń mindetimiz – óndi­rýshilerimiz úshin ártúrli saýda alańdaryna qoljetimdilikti barynsha jeńildetý. Bul saýda úshin de, óndiris úshin de jaqsy yntalandyrý bolatynyna senim­dimin», deıdi Sultanov.

Ozon-ǵa tirkelýdiń esh qıyn­dyǵy joq. Aldymen seller.ozon.ru saıtynda satýshy re­tinde tir­kelesiz. Kompanııanyń jar­ǵy­lyq qujattaryn tirkegennen keıin tekserýdi kútý qajet. Keıin naryqtaǵy usynystardy qa­byl­daı bastaısyz. Adamdar ınternet arqyly saýda jasaǵanda birinshi kezekte ónimniń syrtqy túr-sıpatyna erekshe nazar aýda­ratyndyqtan ónim kartasyn jasaısyz. Qoımanyń qaı jerde ornalasqanyn, taýarlardy qaıdan jetkizetinińizdi de kór­setip qoıyńyz. Kóp uzamaı al­ǵashqy tapsyrystar da túse bas­taı­dy. Tolyq aqparatty global.ozon.ru saıtynan alýǵa bolady.

Eske salsaq, mınıstrlik osy­ǵan deıin qazaq kásipkerlerine ónimderin Amazon platformasynda tikeleı satylymǵa shyǵarý múmkindigin usynǵan edi. Sońǵy ýaqyttary elimizdiń e-commerce tarapyndaǵy damýynda birshama serpilis bar ekenin ańǵarýǵa bolady. Kásipkerlerdiń halyqaralyq onlaın naryqta ónim saýda­laı bastaýy olardyń osy baǵyt­taǵy jumysyn qulshyna istep, jaqyn keleshekte otandyq plat­for­malardyń negizin qalap, damy­týǵa degen yqylasyn da oıatary sózsiz.

«Salany úsh quraldyń kóme­gimen damytýǵa bolady, birinshisi – elektrondy saýdaǵa yntalandyrý jáne shaǵyn jáne orta bıznesti oqytý. Ekinshisi – logıstıkalyq servıs pen jetkizý qyzmetin da­mytý. Úshinshisi – onlaın-trans­shekaralyq saýdany damytý», deıdi Saýda jáne ıntegrasııa vıse-mınıstri Ásel Janasova.  

Vedomstvo 2025 jylǵa taman jalpy saýdadaǵy e-commerce úle­sin 15 paıyzǵa jetkizýdi kóz­dep otyr. Mınıstrliktiń málime­tin­she, bıyl elektrondy saýda úlesi 9,9 paıyzǵa kóterilip, 1,4 trln teńgeni qurasa, 2025 jyly 15 pa­ıyzǵa ósip, 3,6 trln teńge bolmaq.

Sońǵy jańalyqtar

Almatynyń 199 turǵyny koronavırýs juqtyrǵan

Koronavırýs • Búgin, 16:43

Úkimette KQK-daǵy jaǵdaı talqylandy

Úkimet • Búgin, 14:40

Nur-Sultan «sary» aımaqqa ótýi múmkin

Koronavırýs • Búgin, 14:10

OPEK-tiń bas hatshysy kóz jumdy

Álem • Búgin, 13:59

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

Uqsas jańalyqtar