Ranking.kz sarapshylarynyń jazýynsha, bıylǵy jyldyń birinshi toqsanynda Qazaqstanǵa kelip-ketken týrısterdiń sany ótken jyldyń sáıkes kezeńimen salystyrǵanda aıtarlyqtaı tómendegen. Sáıkesinshe 6,4 jáne 3,3 ese azaıyp, 218,3 myń jáne 527,9 myń adamǵa deıin kemigen.
Adamdar ishki týrızmge kóbirek kóńil bóle bastaǵan. Munda týrıster sany bir jyl ishinde 10,4% ósip, 931,1 myń adamǵa jetti. Sáıkesinshe, adamdardy ornalastyrý sany da bir jyl ishinde 1,3% ósip, 3539-ǵa jetti.
Al týrıst qabyldaý ornyndaǵy qyzmetkerlerdiń sany, kerisinshe, 10,4%-ǵa, 26,4 myń adamǵa deıin tómendedi. Al maýsymdyq jumysshylar sany birden eki esege azaıyp, 199 adamǵa jetti. Sáıkesinshe, kórsetilgen qyzmetter kólemi de ótken jylǵydan 6,9% tómen. Sektordaǵy qyzmetter kólemi ekinshi jyl qatarynan tómendep keledi.
Bir jyl ishinde ornalastyrý oryndaryndaǵy kereýettiń ortasha baǵasy 8099-dan 8494 teńgege deıin ósti. Eń joǵary baǵa Mańǵystaý oblysynda (12 myń teńge), Almatyda (11,8 myń teńge) jáne Nur-Sultanda (11,5 myń teńge) tirkeldi. Al Atyraý jáne Qyzylorda oblystarynda bul kórsetkish byltyrǵymen salystyrǵanda tómendedi.
