Bıylǵy jyly «Qaıyrymdy ister marafony»aıasynda respýblıkalyq jáne qalalyq deńgeıde barlyǵy 953 is-shara josparlansa, onyń 2-i respýblıkalyq, 436-y qalalyq, 549-y aýdandyq deńgeıde ótedi. Renat Bekbergenovtyń aıtýynsha, qaladaǵy is-shara respýblıkanyń 30 jyldyq kezeńindegi jetistikterine jáne ár aıdyń taqyryptyq jelilerine silteme jasaı otyryp ótkizilip, ataýly kúnder men merekelerge arnalady.Mysaly, maýsym aıynda Almatyda memlekettik rámizder kúnine, medısına qyzmetkerleri kúnine jáne polısııa kúnine arnalǵan 70-ten astam túrli formattaǵy is-sharalar ótip, turǵyn úı terezelerine jalaýlar qoıylyp, ánuran bir mezgilde oryndalǵan.Adam kóp jınalatyn aýmaqtarja memlekettik tý taratylyp, jalaýlary bar avtokólikter men motojarystar ótse, shilde aıynda astana kúnine arnalǵan onlaın jáne offlaın formattaǵy is-sharalar ótti.
«Qalada júzege asqan mańyzdy oqıǵalar qatarynda25 ónerkásiptik jáne áleýmettik-mádenı nysandar paıdalanýǵa berilgendigin, onyń ishinde Qazaqstan-Shveısarııa týrızm jáne qonaq úı bıznesi ınstıtýty, «Ads Industries» farmzaýyty, «Terrenkýr» jaıaý júrginshiler aımaǵy, jańa balabaqsha men mektepter ashylǵanyn atap ótkenRenat Bekbergenov ekinshi jartyjyldyqta qalaákimdigi «Qaıyrymdy ister marafony» aıasynda 800-den astam is-shara ótkizýdi josparlap otyrǵandyǵyn jetkizdi. Onyń aıtýynsha, tamyz aıynyń sońy men qyrkúıek aıynyń basynda pedagog qyzmetkerlerdiń tamyz konferensııasyn, Qazaqstan Respýblıkasynyń Konstıtýsııa kúnine arnalǵan aýqymdy is-sharalardy ótkizý josparlanǵan. Sondaı-aq Almatyda «Táýelsizdik jetistikteri» taqyrybynda biryńǵaı qalalyq synyp saǵaty men ashyq sabaqtar ótedi. Sonymen qatar Ybyraı Altynsarınge eskertkish pen 13 jańa bilim berý nysanyn ashý josparlanýda.
Qalada jyl sońyna deıin turǵyndardy kóptegen qyzyqty oqıǵalar kútip tur. Mysaly, qarasha aıynda ındýstrııalyq-ınnovasııalyq jáne áleýmettik nysandardy iske qosý, «Almaty – Táýelsizdiktiń altyn besigi» respýblıkalyq forýmy jáne «Creative jastar» ınnovasııalyq jobalar baıqaýy sııaqty kóptegen is-shara ótedi. Jeltoqsan aıynda qalada tuńǵysh Prezıdent kúnine arnalǵan is-sharalar, «Táýelsizdik shejiresi» taqyryptyq kórmeleri, ǵylymı-praktıkalyq konferensııalar josparlanǵan. Jeltoqsan oqıǵasynyń 35 jyldyǵyna arnalǵan ataýly kúnge erekshe nazar aýdaryldy. Ataýly kún qarsańynda qaıyrymdylyq is-sharalary ótkizilip, muqtaj jandarǵa qajetti qoldaý sharalary kórsetiledi.
«Qaıyrymdy ister marafony» respýblıkalyq jobasy aıasynda 396 túrli formattaǵy is-sharalar júzege asady. Jobanyń arqasynda muqtaj otbasylarǵa azyq-túlik jıyntyǵy túrinde materıaldyq qoldaý kórsetiledi, turǵyn úıdi jóndeýge múmkindik beredi. Barlyǵy 22 myńǵa jýyq almatylyq qoldaý aldy. «Qaıyrymdy ister marafonyna» Almaty kásipkerleri belsene qatysýda. Osy jaıynda aıtyp ótken Almaty qalasy «Qazaqstan uıǵyrlarynyń respýblıkalyq mádenı ortalyǵy» qoǵamdyq birlestiginiń ókildigi tóraǵasynyń orynbasary Dolkýntaı Abdýhalıldyń málimetteri boıynsha, mysaly, «Metal Prom Group»kompanııalar toby ótken jyly qaıyrymdylyqqa 105 mln. teńge jumsap, jalpy alǵanda, sońǵy úsh jylda muqtaj jandarǵa 450 mln. teńge kóleminde qaıyrymdylyq kómek kórsetken. Kásiporynnyń maqsaty – adaldyq, eńbeksúıgishtik, sapa, memleketke jáne adamdarǵa paıda ákelý. Kásiporyn qoǵamdaǵy áleýmettik mańyzdy máselelerdi sheshýge kómektesýge daıyn. D. Abdýhalıldyń aıtýynsha, barlyq kásipkerler úshin qaıyrymdylyq sharasy kásiptiń áleýmettik jaýapkershiliginiń bastykórinisi.
