14 shilde kúni saǵat 23:56-da Ulan aýdany PB kezekshi bólimine Shyǵys qazaqstan oblysy bilim basqarmasynyń «Úmit balalar úıi» KMM dırektorynan ótinish kelip tústi.
Ol 14 shilde kúni saǵat 16:00 shamasynda Ulan aýdanynyń Tómengi Taıynty aýylynda ornalasqan jazǵy saýyqtyrý lageriniń aýmaǵynan óz erkimen ketip qalǵan 14, 15 jáne 17 jastaǵy úsh kámeletke tolmaǵan balalar úıiniń tárbıelenýshilerin izdeýge kómek kórsetýdi surady.
Polısııa qyzmetkerleri dabyl qaǵyp, dereý izdestirý jumystaryna kiristi. Izdestirýge Ulan APB jeke quramy, TJ qyzmetkerleri, Asýbulaq aýyldyq okrýgi ákimdiginiń qyzmetkerleri jáne eriktiler jumyldyryldy.
Izdestirý is-sharalaryn júrgizý barysynda 16 shilde kúni saǵat 06:05-te patrýldik polısııa batalony qyzmetiniń ınspektorlary Tarǵyn aýylyndaǵy jol boıynda ornalasqan qaraýsyz qalǵan úıge kirgen úsh jasóspirimdi baıqaǵan.
Qazirgi ýaqytta barlyq mán-jaıdy anyqtaý úshin kámeletke tolmaǵan balalar Ulan APB-ǵa jetkizildi.
