Naýryz aıynyń sońynda atalǵan joǵary oqý orynda egý jumystary bastalǵan. Qazirgi ýaqytta mundaǵy oqytýshylar men qyzmetkerlerdiń 98% vaksına alyp, syıaqyǵa ıe boldy.
– Alǵashqy bolyp men ekpe aldym. Qalaı degenmen koronovırýs ınfeksııasynyń beti qaıta qoıǵan joq. Sodan keıin áriptesterim de vaksına ala bastady. Aldyńǵy qatarda M.Dýdkın, A.Hapın, M.Mızernaıa, N.Kýlenova syndy professorlarymyz egildi. Osy oraıda akademık B.Dıachkovty erekshe atap ótkim keled. Ol ózi toqsanǵa taıasa da, vaksına aldy. Áskerı kafedra, redaksııalyq baspa bólimi, ishki qaýipsizdik qyzmeti sııaqty kóptegen bólimsheler alǵashqylardyń biri bolyp vaksına aldy, – deıdi oqý orynnyń rektory Jasulan Shaımardanov.
Osylaısha ujym óziniń birligi men jaýapkershiligin kórsetip, ujymdyq ımmýnıtetti qoldady. Stýdentterge de túsindirý jumystary júrgizildi. Olardyń kóbi vaksınasııa qajet ekenin túsinip otyr.
Ýnıversıtet basshysynyń pikirinshe, ujymdyq ımmýnıtet qalyptasqandyqtan, 1 qyrkúıekte oqý prosesi dástúrli formatta bastalýy múmkin.
Shyǵys Qazaqstan oblysy
