Jazǵy aptap ystyqta Jambyl oblysynda órt sóndirýshiler men qutqarýshylardyń jumysyna muqtaj azamattar qatary arta tústi. Kún saıyn jedel basqarý ortalyǵyna tótenshe jaǵdaılar týraly 20-dan astam habarlama kelip túsedi. Bul týraly oblystyq tótenshe jaǵdaılar departamentiniń baspasóz qyzmeti habarlady.
«Aıtalyq, ótken táýlikterde Talas aýdanynyń №12 órt sóndirý beketine Talas aýdanynyń Tabaqbulaq stansııasyndaǵy teplovozdyń órti týraly habarlama kelip túsken. Shaqyrý ornyna órt sóndirý beketiniń kúshteri men quraldary jiberildi. О́rt sóndirýshilerdiń kásibı is-áreketteriniń arqasynda órt bir saǵat ishinde oqshaýlanyp, bir jarym saǵatta tolyqtaı sóndirilgen. О́rttiń jalpy aýdany 50 sharshy metrdi qurady. О́rttiń shyǵý sebebi anyqtalýda. Qaza bolǵandar men zardap shekkender joq», delingen habarlamada.
Sol kúni Almaty-Tashkent tas jolynda avtokóliktiń órtengeni týraly habarlama kelip túsken. Oqıǵa ornyna Taraz qalasynyń №2 mamandandyrylǵan órt sóndirý bóliminiń kúshteri men quraldary dereý jiberilip, órtti sóndirý boıynsha barlyq qajetti sharalar qabyldanǵan. О́rt sóndirýshi-qutqarýshylardyń is-qımyldary nátıjesinde tilsiz jaý oqshaýlanyp, joıylǵan. О́rttiń shyǵý sebebin anyqtaý boıynsha sharalar qolǵa alyndy. Qaza bolǵandar men zardap shekkender tirkelmegen.
«Jambyl oblysy TJ departamenti oblys jáne qala turǵyndarynan órt nemese tótenshe jaǵdaı týyndaǵan jaǵdaıda, ýaqyt ótkizbeı shuǵyl túrde «101» jáne «112» telefon nómirlerine qońyraý shalý qajettigin eskertedi. Sondaı-aq shomylý maýsymynda sýdaǵy qaýipsizdik sharalaryn umytpaýdy jáne órt qaýipsizdigi erejelerin qatań saqtaýdy suraıdy», delingen vedomstvo habarlamasynda.
