Koronavırýs • 21 Shilde, 2021

«Jeńe almaımyz»: Kólginov koronavırýsqa qatysty úndeý jasady

436 ret kórsetildi

Nur-Sultan qalasynyń ákimi Altaı Kólginov qala turǵyndaryna ózin, jaqyndaryn jáne aınalasyndaǵy jandardy qorǵaý úshin vaksına alýǵa shaqyrdy, dep jazady Egemen.kz

«Koronavırýs indetin lokdaýn, shekteý sharalaryn engizý arqyly jeńe almaımyz. Bul sharalar COVID-19 ınfeksııasynyń taralý kórsetkishin ýaqytsha tómendetýge ǵana múmkindik beredi, al bul óz kezeginde naýqastardy aman alyp qalýǵa septigin tıgizedi.

Pandemııany vaksınasııa arqyly ǵana jeńýge bolady. Ujymdyq ımmýnıtetti qalyptastyrý árqaısymyzǵa tikeleı baılanysty. Sebebi ujymdyq ımmýnıtet qalyptasqanda ǵana oqýshylar men stýdentter sabaǵyn offlaın rejımde oqı alady, sol sııaqty kásiporyndardyń bári karantındik shekteýsiz jumys isteıtin bolady. Eń bastysy – adam óliminiń sany azaıady. Bul jaı sandar emes, árqaısysynda bir adamnyń ómiri men olardyń otbasylarynyń taǵdyry tur!

Memleket basshysynyń tapsyrmasy aıasynda medısına mekemeleriniń dárigerlerimen epıdemıologııalyq ahýaldy talqyladyq.

Birinshi. Mobıldi brıgadalar sanyn arttyrý.

Qalada koronavırýs ınfeksııasyn juqtyrǵan naýqastardyń úıine baratyn 186 brıgada bar. Olar naýqastardyń densaýlyǵyn tekserip, PTR alady, sondaı-aq qarym-qatynasta bolǵan azamattardy tekseredi. Brıgadalar sanyn taǵy 100 birlikke kóbeıtýdi tapsyrdym. Endi 300-ge jýyq mobıldi brıgada qyzmet etetin bolady.

Ekinshi. Medısına mekemelerin barynsha jabdyqtaý.

Medısına mekemelerin qajetti apparattarmen jabdyqtaýdy bıyl da jalǵastyramyz. Máselen, qosymsha jyljymaly rentgen apparattary, pasıent monıtorlary, perfýzorlar jáne t.b. jetkizildi.

Mysalǵa ótken jyldyń ózinde medısına mekemeleri 1 myńnan astam flýometrmen, 330-dan astam ottegi konsentratymen, 50-den astam ókpeni jasandy jeldetý apparatymen tolyqtaı jabdyqtaldy. Sondaı-aq, KT apparattary, sıfrly rentgenografııalyq júıeler, ottegi rezervýarlary jáne t.b. ornatyldy.
Bul baǵyttaǵy jumystar ary qaraı da jalǵasýda.

Úshinshi. Dári-dármekpen qamtamasyz etý.

Dári-dármekter men jeke qorǵanys quraldarynyń eki aılyq qory bolýy tıis.

Tórtinshi. Vaksınasııa qarqynyn arttyrý.

Medısına mekemeleriniń bárinde, sol sııaqty iri saýda oıyn-saýyq ortalyqtary men saýda úılerinde vaksınasııalaý pýnkti ashyldy. Sonymen qatar, eńbek ujymdaryn vaksınasııalaý úshin kóshpeli brıgadalar uıymdastyryldy. Qazir 318 myńnan astam adam vaksına aldy.

Sondaı-aq, sanıtarlyq normalardy saqtaý boıynsha monıtorıngtik toptardyń jumysy kúsheıtildi.

Vaksınasııa – jaı ǵana tańdaý emes. Aldyńyzda eki tańdaý tur: vaksınasııa arqyly tolyqqandy salaýatty ómirdi tańdaısyz nemese aýrýhana tósegine tańylyp, indetpen kúresýińizge týra keledi. Sebebi koronavırýs adam aǵzasyn álsiretip, densaýlyqqa qatty soqqy beredi. Mundaı qaýipti shaqta densaýlyǵyńyzdy qaterge tikpeńiz. Vaksınasııa ǵana ózińizdi, jaqyndaryńyzdy jáne aınalańyzdaǵy adamdardy qorǵaýǵa múmkindik beredi!», dep jazdy elorda ákimi.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar