Saılaý • 22 Shilde, 2021

Janashyr basshyny jurt ózi tańdaıdy

41 ret kórsetildi

Aýyl turǵyndary aýyldyq okrýg ákimderin tikeleı saılaýdan úlken úmit kútýli. О́zderi saılaıtyn úmitkerlerdiń el ishinde kópten qordalanyp qalǵan máselelerin sheship, turǵyndardyń tilegine qulaq asatyndyǵyna senimdi bolyp otyr.

Volgodonovka aýylynda da aýyl turǵyndary áldeneshe ret kótergen, jyldar boıy sheshimin tappaı kele jatqan ótkir máseleler az emes. Onyń eń bastysy – mal jaıylymynyń tarlyǵy. Al aýyl turǵyndary mal súmesimen kún kórip otyr. Memleket tarapynan kórsetilip otyrǵan qamqorlyqty tıimdi paıdalanyp, «Sybaǵa», «Altyn asyq» tárizdi baǵdarlamalar arqyly nesıe alyp, tórt túlikti kóbeıtýge tusaý bolyp otyrǵan da osy jaıt.

Aýyl ákimin saılaýǵa baılanys­ty ótkizilgen jıynǵa respýblıkalyq «Aýyl» partııasy atynan qatysatyn úmitker Begindik Kabeldınov jergi­likti jerdiń máselesin jaqsy biledi. Son­dyqtan óz baǵdarlamasyn halyq­tyń muń-muqtajyna oraı jasaǵan syńaıly.

Aýyl máselesi egjeı-tegjeıli qoz­ǵal­ǵan jıynǵa «Aýyl» partııasy­nyń ob­lystyq jáne aýdandyq más­lı­hattardaǵy depýtattary, qoǵam bel­sendileri, aýyl turǵyndary qatys­t­y. Úmitker B.Ka­beldınovtiń aıtýy­na qaraǵanda, el Prezıdenti Qasym-Jomart Toqaevtyń jaıylymdyq jer­lerdi eldi meken turǵyndaryna qaı­taryp berý týraly tapsyrmasy oryndalmaǵan. Tıimsiz paıdalanyp jatqan jer bola tura, bul baǵytta umtylys joq.

Bıylǵydaı qýańshylyq jyly jaıylymdyq jáne shabyndyq jer az bolýy sebepti el tórt túlik malyn azaıtyp alýy ábden múmkin. Sondyqtan bul másele taıaý arada ońynan she­shilýge tıisti. Jıynǵa qatysqan par­­tııa tóraǵasynyń orynbasary, S.Seı­­fýl­lın atyndaǵy Qazaq agro­teh­nı­ka­lyq zertteý ýnıver­sı­tetiniń rek­tory Qaırat Aıtýǵanov malsaq qaýym­nyń shalǵaı jerlerdi ıgerýi týraly usynysyn aıtty. Dál osyndaı másele Aqkól aýdanyna qarasty Azat aýylynda da týyndaǵan eken. Ol jerde halyqtyń malyn sý kózderi bar jaılaýda baǵý úshin tutynýshylar kooperatıvi uıymdastyrylypty. Sheshen­niń aıtýyna qaraǵanda, qıyn­dyqtan shyǵar jol­dyń biri osy. Bir aıta keterligi, atalǵan jobaǵa búgingi úmitker B.Ka­bel­­dınovtiń de tikeleı qa­tysy bolǵan eken. Ol – Aqkól aýdanyn­daǵy 13 aýyl­­d­yń turǵyndaryn koope­ratıvke birik­­tirip,  mal baǵý týraly nasıhat júrgizgenderdiń biri.

Jıyn barysynda aýyl turǵyndaryn jumyspen qamtý máseleleri de sóz boldy. Bul da ózekti taqyryptyń biri. Aýyl turǵyndary bal arasyn baǵý, taýyq ósirý tárizdi jumystardy atqara alar edi. Zertteý ýnıversıtetiniń bilik­ti mamandary bul baǵytta tıimdi keńes berýge daıyn.

Aýyldaǵy ótkir máseleniń biri – jol jaıy. Birneshe jyldan beri bıik minbelerden aıtylyp kele jatqanymen, sheshimin tappaǵan. Joldyń nasharlyǵy aýyl turǵyndarynyń janyna batyp otyr. Keıbireýlerdiń basqa jaqqa kóship ketý sebebi de osy.

Jıyn barysynda kópshilikke ortaq taqyryp qamtyldy. Ol – qaıtsek aýyldyń ajaryn kórkeıtip, áleýmettik-turmystyq jaǵdaıyn jaqsartamyz degen kókeıkesti saýal. Aıtylǵan pikir­lerden túıilgen oı – aýylǵa janashyr basshyny jurt ózi tańdaýǵa tıisti.

 

Aqmola oblysy,

Arshaly aýdany

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar