«El ekonomıkasynyń damýyna, bilim berý júıesine baǵa jetpes úles qosqan kórnekti jerleske eskertkish ashý onyń qyzmetine degen qurmet pen alǵys bolyp tabylady», dedi oblys ákimi Arhımed Muhambetov.
Eskertkish demeýshilik qarajat esebinen turǵyzylǵan. Jańa qala kompozısııasynyń jalpy bıiktigi 2,75 metrdi quraıdy.
Kenjeǵalı Ábenuly Saǵadıev Qazaqstannyń 5 iri joǵary oqý ornyn basqardy. QR Parlamenti Májilisiniń depýtaty bolyp saılanǵan, Májilistiń Qarjy jáne bıýdjet komıtetiniń tóraǵasy boldy.
Tóraǵa retinde akademık Saǵadıev QR memlekettik bıýdjetin josparlaý ádisnamasyn damytýǵa eleýli úles qosty. Onyń qyzmetinde adam kapıtalyn damytý jáne nyǵaıtý úshin mańyzdy sala retinde bilim jáne ǵylym salasy eleýli oryn aldy. О́ziniń ǵylymı mektebin qalyptastyryp 445-ten astam ǵylymı jumystyń, onyń ishinde 20 monografııa men oqýlyqtyń avtory atandy.
Onyń respýblıkalyq gazet-jýrnal betterindegi jarııalanymdary keńinen tanymal.
