Bul mamandyqtardyń tańdalý sebebi – avtomattandyrý jáne energetıka qazirgi tańda álemde oryn alyp jatqan jappaı sıfrlandyrýdyń negizi bolyp sanalady. Bul kolledjdiń irgesinde quzyrettilik ortalyǵyn ashýda eń basty maqsaty kolledj bazasyn mamandyqqa qoıylatyn jańa talaptardyń paıda bolýyna sáıkes jańǵyrtý, sheberhanalar aýmaǵyn keńeıtý jáne bilim alýshylardyń óndiristik talaptarǵa daıyn maman bolyp qalyptasýyna ońtaıly jaǵdaı jasaý jáne osynyń áserimen osy mamandyq boıynsha bilim berý baǵdarlamasyna túbegeıli ońtaıly ózgerister engizý boldy. Kóp uzamaı kolledj Nur-Sultan qalasyndaǵy «Talap» KeAQ uıymynyń qatysýymen óz jobasyn qorǵap, Bilim jáne ǵylym mınıstrliginiń memlekettik bıýdjetti utyp aldy.
Sheberhana qarastyrylǵan bıýdjettiń shekteýli qalybyna sáıkes bilim alýshylardyń mamandyǵyna qoıylatyn barlyq daǵdylar men quzyrettilikterdi tolyq qamtıtyndaı etip jasaqtalǵan jáne stýdentterge ortalyqta tek qana «Baqylaý ólsheý aspaptary jáne avtomatıka slesari», «Elektrmontajdaýshy» biliktiligin ǵana emes, «Elektromehanık» biliktiligin alyp shyǵýyna jaǵdaı jasalǵan. Ortalyq «Indýstrııa 4.0» kezeńindegi damý tendensııasyna sáıkes etip jasaqtalǵandyqtan onyń respýblıka kóleminde atalǵan mamandyq boıynsha oqytatyn kolledjderde teńdesi joq. Bul – óndiristik talaptardan ozyq ınnovasııalyq sheshimderi bar mamandardyń qalyptasýyna, óndiris oryndarynda tek qana óz qyzmettik fýnksııalaryn tolyq oryndap qana qoımaı, sol óndiristiń damýyna yqpal etetin jáne óndiristi modernızasııalaýǵa qabiletti mamandar bolyp shyǵady degen sóz. О́ıtkeni qazirgi tańda álemniń tehnıkalyq progress pen tehnologııalyq damýy aıasynda týyndap jatqan óndiris oryndaryn jappaı sıfrlandyrý máselesi elimiz úshin de mańyzdy.
Ortalyqtaǵy jabdyqtar Siemens, Emerson, Fanuc, Festo, Mathworks álemdik deńgeıdegi alpaýyt óndirýshilerinen tikeleı jetkizildi jáne zamanaýı sońǵy óndiristegi qondyrǵylarymen jabdyqtaldy. Oqytýshylar ortalyqty oqý jabdyqtarymen jabdyqtaý barysynda jumysshy mamandardyń halyqaralyq deńgeıdegi Worldskills talaptaryn da eskergen. Osynyń nátıjesinde bilim alýshylardyń halyqaralyq deńgeıdegi mamandyqqa qoıylatyn talaptaryna saı kásibı sheberligin arttyra túsýine zor múmkindik týyp otyr.
«Jas maman» jobasy aıasynda jasaqtalǵan oqý ortalyǵynda halyqaralyq sarapshylar jáne mamandarmen birge halyqaralyq oqytý kýrstary men sheberlik chempıonattaryna qatysqan shákirtter 30-ǵa jýyq halyqaralyq deńgeıdegi sertıfıkattarǵa ıe bolyp otyr. Bul – óndiris oryndarynda tehnıkalyq saýatty, ozyq tehnologııalardy meńgergen joǵary bilikti bolashaq ınjenerler quramyn qalyptastyrady degen sóz. Sondaı-aq ortalyqtan shyqqan jumysshy mamandar elimizdegi osy mamandyq boıynsha eń úlken másele bolyp sanalatyn óndiriske tehnologııalyq jáne ınnovasııalyq sheshimderdi engize alatyn tehnıkalyq saýatty mamandardyń jetispeýshiliginiń ornyn toltyrady.
Qazirgi tańda óndiris oryndaryndaǵy mamandardyń aıtýy boıynsha avtomattandyrý biliktiligin alyp shyqqan mamandarda avtomattandyrý júıelerin iske qosý jáne baptaý, avtomattandyrý júıelerin modernızasııalaý boıynsha jańa júıelerdi óndiriske engizý daǵdylary qalyptaspaǵan. Bul máseleniń týyndaý sebebi – respýblıka kólemindegi orta kásiptik bilim berýshi oryndarda avtomattandyrý mamandyǵynda bilim alýshylarǵa sıfrlyq tehnologııalardyń paıda bolýyna baılanysty baǵdarlamalaý jáne kompıýterlik júıelerde avtomattandyrý ınterfeısteri men aqparatty tasymaldaýǵa arnalǵan baılanys júıelerin meńgertý daǵdylaryn bilim berý baǵdarlamasyna engizilmegendigi. Damyǵan sheteldik memleketterdegi orta kásiptik bilim berý ortalyqtarynda avtomattandyrý mamandyǵynda bilim alýshylarǵa osy daǵdylar men bilimder keńinen qarastyrylǵan, sondyqtan ol aımaqtarda osy mamandyqty támamdaýshylar óndiristik oryndarǵa tolyǵymen daıyn maman bolyp qalyptasyp shyǵady. Osy máseleler Jańaózen qalasyndaǵy O.Turmaǵanbetuly atyndaǵy Mańǵystaý ındýstrıaldy tehnıkalyq kolledjinde de qamtylyp, «Jas maman» jobasy arqyly iske asyrylady dep senemiz. Biz óz mamandarymyz arqyly el aýmaǵynda ınjenerlik óndiris salasynda tapshy mamandardy daıarlap, el damýyna úles qosamyz.
Tańat ÝSKIMBAEV,
O.Turmaǵanbetuly atyndaǵy Mańǵystaý ındýstrıaldy tehnıkalyq kolledji dırektory
