Amerıka Densaýlyq saqtaý qaýymdastyǵynyń múshesi, vırýsolog Almaz Sharmannyń aıtýynsha, búkil álem koronavırýspen kúresýdiń jaýapty kezeńine aıaq basty, óıtkeni paıdasy joǵary ári tıimdi vaksınalar jasaldy.
A.Sharman ótken táýlikte elimizde koronavırýs ınfeksııasyn juqtyrǵan 6 myńnan astam naýqastyń tirkelgenin, antırekord jańartylǵanyn aıtty. Búginde Qazaqstanda halyqtyń tek 16%-y ǵana ekpeniń eki komponentin alǵan. Bul óte az kórsetkish. Demek halyqtyń áli 85%-y vaksına almaǵan. Bul mýtasııalanǵan «delta» koronavırýsynyń taralý qaýpin arttyrady.
Ǵalymnyń aıtýynsha, jańa shtamm koronavırýstyń barlyq aldyńǵy nusqalaryna qaraǵanda 50-60% juqpaly.
« Biz indettiń óte qaýipti kezeńine aıaq bastyq. Jaǵdaıdy vaksına alý arqyly ózgertýge bolady», dedi Almaz Sharman.
Aıta ketsek, Qoǵamdyq densaýlyq basqarmasynyń málimetinshe, 22 shildedegi jaǵdaı boıynsha Almatyda ekpeniń I komponentin 670 351 adam aldy. 60 jastan joǵary vaksına alǵan adam sany 94 835 adamdy quraıdy.
Qaladaǵy medısınalyq uıymdarda, mektep, mádenıet, sport nysandarynda, bazar men qalanyń SOSO-da 212 vaksına pýnkti jumys isteıdi. Ony 250-ge deıin ulǵaıtý múmkindigi bar. Onda 1 260 adam jumyldyrylǵan 308 ekpe brıgadasy qyzmet atqarady.
