Nur otan partııasynan Sultanbek Qasymov, Aýyl partııasynan Orazaly Kalybaev, ózin ózi usynǵan Qurmanbek Rysmahanov. Saılaý aldy úgit-nasıhat naýqanynda joǵaryda aty atalǵan azamattarǵa baǵdarlamalaryn tanystyrýǵa birdeı jaǵdaı jasalǵan.
Táýelsiz baqylaýshy Arystanbaı Myrzahmetov bizben áńgimesinde kúndizgi saǵat 14. 00-ge deıin saılaýshylardyń 63.2 paıyzy daýys bergenin, saılaý zańyńa kereǵar jaǵdaı tirkelmegenin, saılaýdyń ádil ótip jatqanyn aıtty.
Osy okrýgtyń № 1 bólimshesiniń turǵyny, eńbek jáne tyl ardageri, 101 jastaǵy kóp balaly ana Zámıra Smaılova bul saılaýdyń erekshe saılaý ekenin tilge tıek etip ótti. Zamıra apanyń úıine kelgen jyljymaly saılaý komıssııasy onyń saıası naýqannan tys qalmaýy úshin barlyq múmkindikti jasapty. 10 balasynan 100-den astam nemere, shóbere, shópshek kórip otyrǵan aýyldyń abyz anasy bul joly halyqtyń qalaýyna basymdyq beriletinin, bul saılaýdyń da ereksheligi osy ekenin aıtty.
«Saılaýǵa túsip jatqan balalar kóz aldymda ósti. Olardy bir-birinen bólgim kelmese de óz qalaýymdy jasadym. Bul saılaý zańy osy. Tirshilik saılaýmen bitpeıdi. Azamattar saılaýdan keıin de bir-birimen septesip, aýyldyń jaǵdaıyn jaqsartý úshin tize qosyp, tirlik jasaıdy dep úmittenemin», deıdi Zamıra Smaılova.
