Jedel derekter boıynsha, alǵashqy qaıǵyly oqıǵa 24-25 shildege qaraǵan túni Ertiste Sychevka aýylynyń mańynda bolǵan. Munda 17 jasar jasóspirim sýǵa batyp ketti.
«2004 jyly týǵan jas jigit qaıyqqa minip júzip ketti. Qazir kámeletke tolmaǵan balany izdeý jumystary júrip jatyr. Sondaı-aq, 25 shildede Ekibastuzdan jıyrma shaqyrym jerde Qanysh Sátpaev atyndaǵy kanalda kýáger 2015 jyly týǵan balanyń denesi tabyldy», dep habarlady Pavlodar oblysy TJD baspasóz qyzmeti.
«Sol kúni saǵat 15.20-da Pavlodardan úsh shaqyrym jerdegi Ertiste 1999 jyly týǵan jigit tyıym salynǵan jerde sýǵa kirip, batyp ketti», dep habarlady vedomstvonyń baspasóz qyzmeti.
О́ńirlik TJ Departamentinde pavlodarlyqtar qutqarýshylardyń eskertýlerin elemeıtinin atap ótti. Pavlodar oblysy TJD qyzmetkerleri demalýshylardan taǵy da tyıym salynǵan jerlerde shomylmaýdy jáne sý aıdyndarynda balalardy baqylap otyrýdy surady.
