Saryarqa aýdanynda ótken táýlikte 7 kásipkerlik nysanynda tərtip buzýshylyqtar tirkeldi. «Astorııa», «Astandyr», «Stambýl», «Barashka» kafelerinde, «O Azamat», «Arman qala» meıramhanalarynda, Kýbrın kóshesindegi oıyn klýbynda karantın rejımi saqtalmady.
Esil aýdanynda belgilengen ýaqyttan keıin «Ragnarok» kompıýterlik klýby jumysyn jalǵastyrdy. Baıqońyr aýdanynda ornalasqan «Zara» túngi klýby da osyndaı tərtip buzýshylyqqa jol bergen.
Karantın talaptaryn buzǵandarǵa qatysty jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.
Aıta keteıik, ótken eki kúnde, 23 jáne 24 shildede qalada karantın shekteýlerin buzǵany úshin 67 kásipkerlik nysany ákimshilik jaýapkershilikke tartyldy.
Kún saıyn monıtorıng toptary qalanyń 100-den astam kásipkerlik nysanynda sanıtarlyq normalar men shekteý sharalarynyń saqtalýyn tekseredi. Keıbir elordalyq mekemeler jaýapkershilikke tartylatynyna qaramastan, sanıtarlyq normalar men karantın talaptaryn eskermeıdi.
Esterińizge sala keteıik, Nur-Sultandaǵy epıdemıologııalyq ahýal turaqsyz bolyp qalýda. Kún saıyn qalada koronavırýstyń 1300 jaǵdaıy anyqtalady. Elorda turǵyndary men qonaqtary, sondaı-aq kásipkerlik nysandary sanıtarlyq normalardy jáne karantın rejıminiń talaptaryn qatań saqtaýy tıis. Sol sııaqty betperde taǵý, adam kóp jınalatyn jerlerge barýdan aýlaq bolý jáne t.b. usynylady.
Bul rette qaýipti vırýspen kúresý úshin bir ǵana karantın talaptaryn saqtaý jetkiliksiz, halyqty jappaı vaksınasııalaý arqyly ujymdyq ımmýnıtetti qalyptastyrý qajet.
