«Bizdegi reanımasııalyq tósekter 84%-ǵa toldy. Koronavırýs ınfeksııasyna qarsy ekpe almaı, aýyr kúıde jatqan 248 pasıent bar. Onyń ishinde 77 adamnyń jaǵdaıy óte aýyr. Naýqastardyń basy-qasynda júrgendikten bul kórsetkish qatty alańdatyp otyr. Biz ótken jylǵy eń aýyr kúıge jetýge jaqyn qaldyq», deıdi basqarma basshysy.
Tımýr Muratovtyń aıtýynsha aýyr kúıde jatqandar arasynda qart kisiler ǵana emes 35 jastaǵy naýqastar da bar.
«Vırýs jańa shtamdarǵa mýtasııalanyp otyrady. Ásirese olar jastar arasynda jıi tirkelýde. Qazir jastar da, tipti balalar da ınfeksııanyń aýyr kúıine ushyraı bastady. Eki-úsh kún ishinde pasıentterdiń densaýlyǵy nasharlaǵany sonshalyq, jasandy tynys alý apparatynsyz ómir súre almaıtyn kúıge jetedi. Reanımasııadaǵy barlyq pasıenttiń mundaı jaǵdaıǵa túsýiniń sebebi – vaksınadan bas tartý», dep túsindirdi T. Muratov.
Tımýr Muratov qala turǵyndaryn ýaqytynda vaksınasııadan ótýge, osy arqyly ózderin ınfeksııa juqtyrýdan qorǵaýǵa shaqyrdy.
«Qurmetti azamattar! Oılanyp jáne kútip otyratyn ýaqyt joq! Qazir vaksınasııa alý óte mańyzdy, áıtpese kesh bolýy múmkin. Bizge, ıaǵnı dárigerlerge, KVI-ge baılanysty qaıtys bolǵandar statıstıkasyn jarııalaý, týystaryna jaqyny kelmeske ketkenin aıtý ońaı emes. О́tken jyly biz pandemııany jeńýdiń barlyq jolyn izdegen edik, al qazir qolymyzda bar, ol – vaksınasııa. Osy arqyly ǵana biz aýrýdyń qıyn kezeńinen shyǵa alamyz», dep qorytyndylady qalalyq densaýlyq saqtaý basqarmasynyń basshysy.
