Sırııanyń Maalıýlıa qalasynda «Al-Kaıdamen» baılanysy bar «Djebhat an-Nýsra» tobynyń sodyrlary katolıkter shirkeýiniń metropolıtin urlap áketti. Bul týraly ITAR-TASS habarlady.
«Al-Maıadın» telearnasynyń aqpary boıynsha, terrorısterdiń qolynda taǵy 13 monahınıa men áıelder monastyrynyń basshysy, sondaı-aq eki din qyzmetshisi bar eken. Onyń ústine, sáýir aıynda sodyrlar tutqynǵa alynǵan Iýhann Ibragım men Pavel Iаzıdjı esimdi eki metropolıttiń jaǵdaıy áli kúnge deıin belgisiz bolyp otyr.
Bir aıdan astam ýaqyt buryn «Al-Jazıra» telearnasynan 48 saǵattan keıin monahınıalardyń bosatylatyny aıtylǵan beınejazba kórsetilgen edi. Alaıda, keıinnen ózin Mohannad Abý Fıda dep tanystyrǵan ekstremıstik toptyń qolbasshysy «Ash-Shark al-Aýsat» gazetine «Sırııa bıligi qoıylǵan talaptardy oryndamaıynsha, áıelder tutqynda qala beredi», dep málimdedi.
Sodyrlardyń eń basty talaby búlikshilerdiń otbasy múshelerin túrmeden bosatý bolyp otyr. Sondaı-aq Sırııadaǵy qarýly toptardyń jetekshileri bılikten Iаbrýda men Maalıýlıa qalalaryndaǵy qorshaýlardy aldyryp tastaýdy talap etýde.
Aıdar О́risbaev.
Derekkóz: Itar-tass.com
Foto: Itar-tass.com
