Týrızm • 28 Shilde, 2021

Týrıstik qyzmetti jandandyrady

164 ret kórsetildi

Ortalyq kommýnıkasııalar qyzmetinde Mádenıet jáne sport mınıstrligi Týrızm ındýstrııasy komıtetiniń tóraǵasy Dastan Ryspekov, Kazakh Tourism ulttyq kompanııasy basqarmasynyń tóraǵasy Erjan Erkinbaev jáne Qazaqstan týroperatorlar qaýymdastyǵynyń basshysy Inna Reıdiń qatysýymen «Týrıstik qyzmet týraly zańnamaǵa qabyldanǵan ózgerister týraly» arnaıy jıyn ótti.

Osy jyldyń sáýirinde Mem­leket basshysy Qasym-Jomart Toqaev «Qazaqstan Respýb­lı­ka­synyń keıbir zańnamalyq ak­tilerine týrıstik qyzmet má­se­leleri boıynsha ózgerister men to­lyqtyrýlar engizý týraly» Zańǵa qol qoıǵany belgili. Atal­ǵan zańda 20 normatıvtik-qu­qyq­tyq aktige ózgerister men tolyqtyrýlar engizildi. So­ny­men qa­tar táýeldi 30-dan as­tam ak­tige óz­gerister engizý jáne j­a­­ńasyn ázirleý kózdelgen bolatyn.

Zańda kelý týrızmin, ınvestı­sııalardy yntalandyrýǵa, tý­rıstik ınfraqurylymdy jaq­sar­týǵa jáne qyzmet kórsetý sapasyn arttyrýǵa baǵyttalǵan salany memlekettik qoldaýdyń teńdessiz sharalary kórsetilgen.

Bul – týroperatorlardy árbir sheteldik týrıst úshin sýbsıdııalaý, týrıstik obektiler men jol bo­ıyndaǵy servıs obektilerin salý kezinde taý shańǵysy bazalary men týravtobýstarǵa arnalǵan jabdyqtardy satyp alýǵa salǵan ınvestorlardyń shyǵyndaryn óteý, sondaı-aq týrdestınasııalarda sanıtarııalyq-gıgıenalyq toraptardy kútip-ustaýdy sýbsıdııalaý syndy sharalar.

Búgingi tańda qazaqstandyq týroperatorlardyń jumysy kósh­peli týrızmge baǵyttalǵan. Endi týroperatorlardyń kelý týrızmi boıynsha jumysyn yntalandyrý úshin halyqaralyq tájirıbe ne­gizinde árbir sheteldik týrıst úshin týroperatorlardy 15 myń teń­ge mólsherinde sýbsıdııalaý engi­zilip jatyr.

Sonymen qatar Qazaqstanda otbasylyq demalysty yntalan­dyrý maqsatynda ishki áýe mar­shrýt­tarynda balalardy tasymaldaý aqysyn óteý de KIDS GO FREE baǵ­darlamasy arqyly jú­zege asyrylady.

Atalǵan baǵdarlamaǵa sáı­kes, eki jastan 14 jasqa deıingi balalarǵa Qazaqstandaǵy top-10 tý­rıstik aımaqqa tegin áýe bı­let­teri beriledi. Baǵ­dar­la­manyń maq­­saty – qazaq­stan­dyqtarǵa eli­mizdiń týrıstik aımaqtarynda búkil otbasymen demalýǵa múm­kin­dik jasaý.

Qazaqstannyń týroperatorlar qaýymdastyǵynyń basshysy Inna Reıdiń aıtýynsha, týrızm kóptegen elde ekonomıkanyń draıverine aınaldy.

«Týrızm naryǵy memle­ket­tiń mundaı qoldaýyn kóp­ten kútti. KIDS GO FREE júıesi aza­mat­tardyń el ishinde saıahattaýǵa degen qyzyǵýshylyǵyn oıatady. Bul jerde týroperatorlardyń týrlardy tanytýǵa qatysýyn qoldaý óte mańyzdy», dedi I.Reı.

Sheteldik týrıster úshin kóshi-qon rejimin barynsha jeńildetý maq­satynda Qazaqstanda qonaq­úılerge ornalasý kezinde alynǵan má­limetterdi UQK Búrkit jú­ıesimen jáne IIM vızalyq-kóshi-qon portalymen avtomatty re­jim­de biriktirýge múmkindik be­retin E-qonaq júıesi ázirlendi. Júıe qazirdiń ózinde Nur-Sul­tan, Almaty qalalarynda, SQO jáne Aqmola oblysyndaǵy 323 qonaqúıde engizilgen. Jyl so­ńyna deıin elimizdiń basqa da týrıstik aımaqtaryn qamtyp, E-qonaq júıe­si bar qonaqúıler sanyn 600-ge deıin jetkizý jos­parlanǵan.

Kazakh Tourism basqarma tóraǵasy Erjan Erkinbaev Qazaq­standaǵy týrıstik qyzmet týraly zańnamaǵa ózgerister en­gizý aıasynda otandyq týrlardy satý úshin onlaın platformany iske qosý josparlanǵanyn atap ótti.

«Budan bylaı Qazaqstandaǵy gıdterdiń jumysyna erekshe kóńil bólinedi. Qazirgi tańda gıdterdiń bilimi, olardyń týrıstermen qarym-qatynasy týraly eshkim bilmeıdi. Osyǵan baılanysty quzyrettilik boıynsha kóptegen suraq týyndaıdy. Sondaı-aq el aýmaǵynda shet­eldik azamattardyń gıd qyzmetin kórsetý faktileri bar. Bul – zań­syz qyzmet. Osyndaı máselelerdi sheshý úshin Kazakh Tourism onlaın júıeni engizýdi usyndy. Onda gıdter óz bilimderin mer­zimdi túrde rastap otyrady, týrıster úshin qajetti aqparat bar. Mysaly, qandaı tildi meńgergeni, daıyndyq deńgeıi, tý­rısterdiń pikiri týraly jáne t.b. aqparat kór­setilgen jeke paraqsha bolady. Gıdterdi sáı­kes­tendirý yń­ǵaıly bolý úshin árqaısysynyń ózindik biregeı QR kody bolady, ol gıdtiń pro­fıline aparady», dedi E. Erkinbaev.

Jıyn sońynda Kazakh Tourism UK AQ basshylyǵy mun­­daı ja­ńalyqtardy engizý týrıstik qyz­met­ter naryǵyn Qa­­zaqstanda ba­rynsha ashyq ete­tinine senim bildirdi.

Sońǵy jańalyqtar

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar