Kezdesý barysynda Premer-Mınıstr S.Ahmetov Memleket basshysyna elimizdiń 2013 jylǵy áleýmettik-ekonomıkalyq damýynyń qorytyndylary men negizgi makroekonomıkalyq kórsetkishter týraly baıandady, sondaı-aq ındýstrııalyq-ınnovasııalyq baǵdarlamanyń ekinshi kezeńin ázirleý barysy jóninde málimdedi.
Kezdesý barysynda Premer-Mınıstr S.Ahmetov Memleket basshysyna elimizdiń 2013 jylǵy áleýmettik-ekonomıkalyq damýynyń qorytyndylary men negizgi makroekonomıkalyq kórsetkishter týraly baıandady, sondaı-aq ındýstrııalyq-ınnovasııalyq baǵdarlamanyń ekinshi kezeńin ázirleý barysy jóninde málimdedi.
Memleket basshysy «Qazaqstan-2050» Strategııasyn oryndaýdyń naqty joldaryn ázirleýdiń, sondaı-aq Qashaǵan men Qarashyǵanaq tárizdi iri jobalar aınalasynda óndiristik ınfraqurylymdar aıasyn ulǵaıta otyryp olardy odan ári iske asyrýdyń mańyzdylyǵyn atap ótti.
Nursultan Nazarbaev energetıkany damytýǵa, mańyzdy ınfraqurylymdyq jobalardy júzege asyrýǵa nazar aýdardy. Bul oraıda, Memleket basshysy Úkimettiń asa mańyzdy mindetteri azamattardyń ál-aýqatyn arttyrý, jumyspen qamtý jáne qazaqstandyqtardyń áleýmettik kóńil kúıi joǵary bolýyn qamtamasyz etý bolyp qala beretinine toqtaldy.
Premer-Mınıstr 2013 jyldyń qorytyndysy boıynsha ekonomıkanyń ósimi 6% bolǵanyn, ınvestısııa kólemi 6,5%-ǵa, ónerkásip óndirisi 2,3%-ǵa, qurylys kólemi 3%-ǵa, jalpy aýylsharýashylyq ónimderin óndirý 11,6%-ǵa ulǵaıǵanyn aıtty. Buǵan qosa, jumyssyzdyq deńgeıi – 5,2%, ınflıasııa deńgeıi 4,8% boldy.
Sondaı-aq, S.Ahmetov ındýstrııalandyrý baǵdarlamasyn iske asyrýdyń kelesi kezeńi ázirlenip jatqandyǵyn, onda ekonomıkanyń negizgi salalaryn ártaraptandyrýǵa, klasterlerdi damytýǵa, sondaı-aq, tehnologııalar men ınnovasııalar transfertine erekshe nazar aýdarylatynyn aıtty.
Kezdesý qorytyndysynda Memleket basshysy qaralǵan máseleler boıynsha birqatar tapsyrmalar berdi, dep habarlady Prezıdenttiń baspasóz qyzmeti.
Sýretti túsirgender
S.BONDARENKO, B.OTARBAEV.
