29 maýsymda Qaraǵandy qalasynyń Ortalyq polısııa bólimine 39 jastaǵy qala turǵynynan aryz tústi. Jábirlenýshiniń aıtýynsha, bir er adam alaıaqtyq jolmen 94 myń teńge aqshasyn urlap ketken.
Mýltımedııalyq júıeni satyp alyp, ornatýdy josparlaǵan jábirlenýshi áleýmettik jelidegi jarnamada ózin IT tehnologııalar salasynyń mamany, sondaı-aq beıne jáne aýdıo jabdyqtaryn satatyn jáne jóndeıtin kompanııanyń mamanymyn dep tanystyrǵan azamatpen baılanysqa shyqqan.
Alaıaq óziniń jumysy úshin aldyn-ala 94 myń teńge tóleýdi talap etken. Aqshany alyp alǵannan keıin jalǵan kompanııa ókili baılanysyn toqtatyp, habarsyz ketken.
Atalǵan fakti boıynsha QR Qylmystyq kodeksiniń 190-baby (Alaıaqtyq) boıynsha qylmystyq is qozǵaldy.
21 shildede jedel-izdestirý is-sharalary barysynda krımınaldyq polısııa qyzmetkerleri 30 jastaǵy er adamdy anyqtap, ustady. Kúdikti kinásin moıyndap, sotqa deıingi tergeý barysynda krımınaldyq polısııa onyń taǵy 12 uqsas qylmysqa qatystylyǵyn anyqtady. Jalpy shyǵynnyń somasy 300 myń teńgeni quraıdy.
Qazirgi ýaqytta tergeý amaldary júrgizilip jatyr. Kúdikti ýaqytsha ustaý ızolıatoryna qamaldy.
